കാഞ്ഞങ്ങാട്_: ദേശീയ രക്തദാന ദിനാചരണത്തിന്റെ ഭാഗമായി കാഞ്ഞങ്ങാട് സൗത്ത് വൊക്കേഷണൽ ഹയർ സെക്കൻഡറി സ്കൂളിലെ പ്രിൻസിപ്പൽ, ഹെഡ്മാസ്റ്റർ ഉൾപ്പെടെയുള്ള അധ്യാപകർ രക്തം ദാനം ചെയ്തു. സ്കൂളിലെ നാഷണൽ സർവീസ് സ്കീം യൂണിറ്റിന്റെ നേതൃത്വത്തിലാണ് പരിപാടി സംഘടിപ്പിച്ചത്.
കാഞ്ഞങ്ങാട് ജില്ലാ ആശുപത്രിയിലെ രക്തബാങ്കിൽ വെച്ചായിരുന്നു രക്തദാനം. വിഎച്ച് എസ് ഇ പ്രിൻസിപ്പൽ പി എസ് അരുൺ, ഹെഡ്മാസ്റ്റർ എം ഗിരീശൻ, അധ്യാപകരായ സി എം പ്രജീഷ്, കെ പി രഞ്ജിത്, തുടങ്ങിയവർക്കൊപ്പം നിരവധി രക്ഷിതാക്കളും സന്നദ്ധ രക്ത ദാതാക്കളും രക്തം നൽകി. എൻ.എസ്.എസ് പ്രോഗ്രാം ഓഫീസർ ആർ മഞ്ജു, ക്ലസ്റ്റർ കോർഡിനേറ്റർ പി സമീർ സിദ്ദീഖി എന്നിവരുടെ നേതൃത്വത്തിലാണ് ക്യാമ്പ് നടത്തിയത്. എൻ.എസ്.എസ് വളണ്ടിയർമാരും അധ്യാപകരും ചേർന്ന് രക്തദാനത്തിന്റെ പ്രാധാന്യത്തെക്കുറിച്ച് ബോധവൽക്കരണവും നടത്തി.
“ഒരു തുള്ളി രക്തം ഒരു ജീവൻ രക്ഷിക്കും എന്ന സന്ദേശം സമൂഹത്തിലേക്ക് എത്തിക്കുകയാണ് ലക്ഷ്യം. അധ്യാപകർ മാതൃക കാട്ടുമ്പോൾ വിദ്യാർത്ഥികളും പ്രചോദിതരാകും” എന്ന് പി റ്റി എ പ്രസിഡൻ്റ് എൻ ഉണ്ണികൃഷ്ണൻ പറഞ്ഞു.
എൻ.എസ്.എസ് യൂണിറ്റ് അംഗങ്ങളായ വിദ്യാർത്ഥികൾ രക്തദാന ക്യാമ്പിന് വേണ്ട ക്രമീകരണങ്ങൾ ചെയ്തു.
