ജുഡീഷ്യൽ അന്വേഷണം വേണം

വൈക്കം:2026 ഏപ്രിൽ 7 ന് ആത്മഹത്യ ചെയ്ത കർഷകൻ മക്കൻ ചെല്ലപ്പന്റെ ആത്മഹത്യയ്ക്കിടയാക്കിയ സാഹചര്യങ്ങളെ സംബന്ധിച്ച് ജുഡീഷ്യൽ അന്വേഷണം ആവശ്യപ്പെട്ട് സർക്കാരിന് നിവേദനം സമർപ്പിക്കുക, പോലീസ് രജിസ്റ്റർ ചെയ്തിട്ടുള്ള കേസിന്റെ തുടർ നടപടികൾ ത്വരിതപ്പെടുത്താൻ കോട്ടയം ജില്ലാ പോലീസ് സൂപ്രണ്ട് , അഭ്യന്തര വകുപ്പുമന്ത്രി എന്നിവർക്ക് പെറ്റീഷൻ നല്കുക, ചെല്ലപ്പൻ ചെയ്ത് പോന്നിരുന്ന കാർഷിക സംരംഭം തുടർന്ന് കൊണ്ടുപോകുന്നതിന് കുടുംബത്തിന് സഹായം നല്കുക. ചെല്ലപ്പന്റെ സ്മരണ നിലനിറുത്തുന്നതിനും അദ്ദേഹത്തിന്റെ സന്ദേശം കർഷകർക്കിടയിൽ പ്രചരിപ്പിക്കുന്നതിനും നടപടികൾ സ്വീകരിക്കുക , തുടങ്ങിയ ഉദ്ദേശ്യങ്ങളോടെ മക്കൻ ചെല്ലപ്പൻ കർഷക സംരക്ഷണ സമിതിയ്ക്ക്  വൈക്കം ടി.വി.പുരം റോഡിലുള്ള പെൻഷൻ ഭവനിൽ MLA കെ.ബിനുമോന്റെ അധ്യക്ഷതയിൽ ചേർന്ന യോഗം രൂപം നല്കി. സമിതിയുടെ ചെയർമാൻ MLA യും കൺവീനർ അഡ്വ: KK വിജയനമാണ്. ജൂലൈ 16 ന് തലയാഴത്ത് വിപുലമായ യോഗം ചേരാൻ തീരുമാനിച്ചിട്ടുണ്ട്.