വൈക്കം രാജഗിരി അമലാ സി.എം.ഐ പബ്ലിക് സ്കൂളിൽ, സ്കൂൾ പാർലമെന്റ് അംഗങ്ങൾ അധികാരമേറ്റു.
വൈക്കം: വൈക്കം രാജഗിരി അമലാ സി.എം.ഐ പബ്ലിക് സ്കൂളിൽ 2026-27 അധ്യയന വർഷത്തെ സ്കൂൾ പാർലമെന്റ് അംഗങ്ങളുടെ സ്ഥാനാരോഹണ ചടങ്ങ് പ്രൗഢഗംഭീരമായി നടന്നു. സ്കൂൾ ഓഡിറ്റോറിയത്തിൽ നടന്ന ചടങ്ങിൽ പുതിയ വിദ്യാർത്ഥി നേതാക്കൾ ഔദ്യോഗികമായി ചുമതലയേറ്റു. വിദ്യാർത്ഥികളിൽ നേതൃത്വപാടവം, ഉത്തരവാദിത്തബോധം, അച്ചടക്കം, സേവനമനോഭാവം എന്നിവ വളർത്തുക എന്ന ലക്ഷ്യത്തോടെയാണ് ചടങ്ങ് സംഘടിപ്പിച്ചത്.
വൈക്കം ഡി.വൈ.എസ്.പി കെ. സജീവ് മുഖ്യാതിഥിയായിരുന്ന ചടങ്ങിൽ, മനേജർ റവ.ഫാ.ജെയിംസ് പുതുശ്ശേരി സി.എം.ഐ, പ്രിൻസിപ്പാൾ റവ.ഡോ ആഞ്ചലോ ചക്കനാട്ട് സി.എം ഐ, വൈസ് പ്രിൻസിപ്പാൾ ആഷിക്ക് മറ്റേക്കാട്ട് സി.എം.ഐ, ഹെഡ്മിസ്ട്രസ് മിത രാജു , കെ ജി ഇൻ ചാർജ്ജ് ലിസമ്മ തോമസ് എന്നിവർ സന്നിഹിതർ ആയിരുന്നു. ഉത്തരവാദിത്തവും പ്രതിബദ്ധതയും അച്ചടക്കവും ജീവിതത്തിൽ പാലിക്കേണ്ടതിനെക്കുറിച്ച് മുഖ്യാതിഥി വൈക്കം ഡി.വൈ എസ്.പി.കെ.സജീവ്വിദ്യാർത്ഥികളോട് സംസാരിക്കുകയും, തിരഞ്ഞെടുക്കപ്പെട്ട പുതിയ ലീഡേഴ്സിനുള്ള ബാഡ്ജുകൾ വിതരണം ചെയ്യുകയും ചെയ്തു.
തുടർന്ന് സ്കൂൾ പ്രിൻസിപ്പൽ റവ. ഡോ. ആഞ്ചലോ ചാക്കനാട്ട് സി.എം.ഐ പുതിയ ഭാരവാഹികൾക്ക് സത്യവാചകം ചൊല്ലിക്കൊടുക്കുകയും വൈസ് പ്രിൻസിപ്പൽ റവ. ഫാ. ആഷിക് മറ്റേക്കാട്ട് സി.എം.ഐ സ്കൂൾ പതാക ഔദ്യോഗികമായി കൈമാറുകയും ചെയ്തു.
