കോട്ടയം: കുമരകം കോണത്താറ്റ് പാലത്തിൽ ബൈക്കുകൾ തമ്മിൽ കൂട്ടിയിടിച്ച് റോഡിലേയ്ക്ക് മറിഞ്ഞുണ്ടായ അപകടത്തിൽപ്പെട്ട യുവാവ് പിന്നാലെ എത്തിയ ടാങ്കർ ലോറി ശരീരത്തിലൂടെ കയറിയിറങ്ങി മരിച്ചു.തൃശൂർ സ്വദേശിയും ചെങ്ങളം കടത്തുകടവിലെ ജ്യൂസോ ഷോപ്പ് മാനേജരുമായിരുന്ന നവീൻ (32) ആണ് മരിച്ചത്.അപകടത്തിൽ ബൈക്ക് യാത്രക്കാരായ മൂന്നു യുവാക്കൾക്ക് പരുക്കേറ്റു. അപകടത്തിൽ മരിച്ചയാളെയും പരുക്കേറ്റവരെയും കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.വെള്ളിയാഴച പുലർച്ചെ പന്ത്രണ്ട് മണിയ്ക്ക് ശേഷം കുമരകം കോണത്താറ്റ് പാലത്തിലായിരുന്നു അപകടം. കുമരകത്തെ തീയറ്ററിൽ സിനിമയ്ക്ക് ശേഷം മടങ്ങുകയായിരുന്ന യുവാക്കളുടെ സംഘം സഞ്ചരിച്ച ബൈക്ക് എതിർ ദിശയിൽ നിന്നും എത്തിയ ബൈക്കുമായി കൂട്ടിയിടിക്കുകയായിരുന്നു.
കുമരകം കോണത്താറ്റ് പാലത്തിലെ വാഹനാപകടത്തിൽ യുവാവിന് ദാരുണാന്ത്യം
