കാഞ്ഞങ്ങാട് സൗത്ത് ജി വി എച്ച് എസ് സ്കൂൾ എൻ എസ് എസ് യൂണിറ്റിന്റെ ആഭിമുഖ്യത്തിൽ
ലോക കാഴ്ച ദിനത്തിന്റെ ഭാഗമായി കാഞ്ഞങ്ങാട് സൗത്തിൽ വാഴവളപ്പ് ഹൗസിൽ താമസിക്കുന്ന
കാഴ്ച പരിമിതനായ 63 വയസുള്ള ഗംഗാധരന്റെ വീട് സന്ദർശിച്ചു. കനിവ് ചാരിറ്റബിൾ സൊസൈറ്റി പ്രസിഡന്റും സ്കൂൾ ജാഗ്രതാ സമിതി അംഗവുമായ കെ ദാമോദരൻ പൊന്നാട അണിയിച്ച് ആദരിച്ചു. ആകാശം നോക്കി സമയം പറയാനും എത്ര വർഷം പഴക്കമുള്ള തീയതിയും മാസവും പറഞ്ഞാൽ അത് ഏത് ദിവസം എന്ന് കാണാതെ കൃത്യമായി പറയാനുമുള്ള പ്രത്യേക കഴിവും ഉണ്ട് .
തന്റെ ജീവിത അനുഭവങ്ങൾ പങ്കുവെച്ച ഗംഗാധരന് വിദ്യാർത്ഥികളും അധ്യാപകരും എല്ലാവിധ പിന്തുണയും വാഗ്ദാനം ചെയ്തു. കാഴ്ചയുടെ പ്രാധാന്യത്തെക്കുറിച്ചും കണ്ണുകൾ സംരക്ഷിക്കേണ്ടതിന്റെ ആവശ്യകതയെക്കുറിച്ചും പ്രിൻസിപ്പാൾ പി എസ് അരുൺ സംസാരിച്ചു.
കാഴ്ചയില്ലായ്മ ഒരു പരിമിതിയല്ല, കാഴ്ചപ്പാടാണ് പ്രധാനമെന്ന് ഈ കൂടിക്കാഴ്ച നമ്മെ ഓർമ്മിപ്പിക്കുന്നു എന്നും പി. റ്റി എ പ്രസിഡന്റും വാർഡ് കൗൺസിലറുമായ എൻ ഉണ്ണികൃഷ്ണൻ പറഞ്ഞു.
എൻ എസ് എസ് പ്രോഗ്രാം ഓഫീസർ ആർ മഞ്ജു, നീലേശ്വരം ക്ലസ്റ്റർ കോർഡിനേറ്റർ പി സമീർ സിദ്ദീഖി, വോളന്റിയർമാരായ നിസാം, ഷഹ്നാദ് , അദ്വൈത് , ഉബൈസ് തുടങ്ങിയവർ പങ്കെടുത്തു.
ഫോട്ടോ ക്യാപ്ഷൻ
ലോക കാഴ്ച ദിനത്തിന്റെ ഭാഗമായി കാഞ്ഞങ്ങാട് സൗത്ത് വാഴവളപ്പ് ഹൗസിൽ താമസിക്കുന്ന
കാഴ്ച പരിമിതനായ ഗംഗാധരന്റെ വീട് സന്ദർശിച്ചു പൊന്നാട നൽകി ആദരിക്കുന്നു.
