ശബരിമലയിലെ യുവതി പ്രവേശനം പ്രശ്നത്തിൽ ,അത് കഴിഞ്ഞു പോയ അധ്യായമാണ് വിശ്വാസത്തിനെതിരെ നിലപാട് ഒരുകാലത്തും പാർട്ടി എടുത്തിട്ടില്ല,ഗോവിന്ദൻ

. തൃശ്ശൂർ. ശബരിമലയിലെ യുവതി പ്രവേശനം കഴിഞ്ഞുപോയ അധ്യായമാണെന്ന് സിപിഎം സംസ്ഥാന സെക്രട്ടറി എം വി ഗോവിന്ദൻ .വിശ്വാസത്തിനെതിരായ നിലപാട് സിപിഎം ഇന്നലെയും ഇന്നും എടുത്തിട്ടില്ല നാളെയും എടുക്കില്ലെന്ന് ഗോവിന്ദൻ പറഞ്ഞു. മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. രാജ്യത്തെ മഹാഭൂരിപക്ഷം ജനങ്ങളും വിശ്വാസികളാണ് .വിശ്വാസികൾ ഉപയോഗപ്പെടുത്താനാണ് വർഗീയവാദികൾ ശ്രമിക്കുന്നത്. അതുകൊണ്ടുതന്നെ വിശ്വാസികളെ കൂട്ടുപിടിച്ചു വേണം വർഗീയവാദികളെ പ്രതിരോധിക്കാൻ എന്നും സിപിഎം സംസ്ഥാന സെക്രട്ടറി വ്യക്തമാക്കി. ലോകത്തിൻറെ വിവിധ മേഖലകളിലുള്ള ആവശ്യം കൂടി കണക്കിലെടുത്താണ് ആഗോള അയ്യപ്പ സംഗമം തീരുമാനിച്ചത് .അതിന് രാജ്യത്തിൻറെ അംഗീകാരവും കിട്ടിയിട്ടുണ്ടെന്ന് ഗോവിന്ദൻ പറഞ്ഞു.