വയനാട് മുട്ടില് മരംമുറി കേസില് വനം വകുപ്പ് പിടിച്ചെടുത്ത തടികള് മഴയേറ്റ് നശിക്കുന്നു. 15 കോടി രൂപ വില നിശ്ചയിച്ച മരങ്ങളാണ് നശിക്കുന്നത്. തുറസായ സ്ഥലത്താണ് ഈട്ടി അടക്കമുള്ള മരങ്ങള് സൂക്ഷിച്ചിട്ടുള്ളത്. മരം ലേലം ചെയ്യാന് കോടതിയില് അപേക്ഷ നല്കിയിട്ടുണ്ടെന്നാണ് വനം വകുപ്പ് നൽകുന്ന വിശദീകരണം.അഞ്ച് വര്ഷമായി മരങ്ങള് സൂക്ഷിച്ചിരിക്കുന്നത് വനം വകുപ്പിന്റെ കുപ്പാടി ഡിപ്പോയിലാണ്. മരങ്ങള് സംരക്ഷിക്കണമെന്ന ജില്ലാ കോടതി ഉത്തരവും വനം വകുപ്പ് പാലിചിട്ടില്ല. ലേലം ചെയ്ത് തുക കോടതിയില് കെട്ടി വയ്ക്കുന്ന കാര്യത്തിലും വനം വകുപ്പ് തീരുമാനം എടുത്തിട്ടില്ല.
മുട്ടില് മരംമുറി കേസിൽ വനം വകുപ്പ് പിടിച്ചെടുത്ത 15 കോടി രൂപ വില നിശ്ചയിച്ച തടികള് മഴയേറ്റ് നശിക്കുന്നു
