ക്രിമിനല്‍ കുറ്റങ്ങളിലേര്‍പ്പെടുന്നവരുടെ വിചാരണ പ്രായപരിധി 18 ല്‍ നിന്ന് 16 ആക്കണം; അമിത് ഷായ്ക്ക് കത്തയച്ച് ചെന്നിത്തല

തിരുവനന്തപുരം: ജുവനൈല്‍ ജസ്റ്റിസ് ആക്ടില്‍ ഭേദഗതി ആവശ്യപ്പെട്ട് ആഭ്യന്തരമന്ത്രി രമേശ് ചെന്നിത്തല കേന്ദ്ര ആഭ്യന്തരമന്ത്രി അമിത്ഷായ്ക്ക് കത്തയച്ചു. കുറ്റകൃത്യങ്ങളില്‍ ഏര്‍പ്പെടുന്നവരുടെ നിയമനടപടിയുമായി ബന്ധപ്പെട്ട പ്രായപരിധി പതിനെട്ടില്‍ നിന്ന് പതിനാറായി കുറയ്ക്കണമെന്നാണ് ചെന്നിത്തല കേന്ദ്രത്തോട് ആവശ്യപ്പെട്ടത്.കൊലപാതകം, ലൈംഗികാതിക്രമം അടക്കമുള്ള കുറ്റകൃത്യങ്ങളില്‍ കുട്ടികള്‍ ഏര്‍പ്പെടുന്നത് വര്‍ധിച്ച് വരുന്ന പശ്ചാത്തലത്തില്‍ പ്രായപരിധി 18 ല്‍ നിന്ന് 16 ആക്കുന്ന കാര്യം പരഗണിക്കണമെന്ന് കേരള ഹൈക്കോടതിയും നിരീക്ഷിച്ചിരുന്നു. എന്നാലിത് പ്രായോഗികമല്ലെന്നാണ് നിയമജ്ഞര്‍ പറയുന്നത്. കുട്ടികള്‍ കുറ്റവാളികളായി മാറാനുള്ള കാരണമാണ് അന്വേഷിക്കേണ്ടതെന്നും കുറ്റവാളികളായ കുട്ടികളെ പുനരധിവാസത്തിലൂടെ മെച്ചപ്പെട്ട സാമൂഹിക ജീവിതത്തിലേക്ക് തിരികെ കൊണ്ടുവരാനുള്ള മാര്‍ഗമാണ് സര്‍ക്കാര്‍ ആലോചിക്കേണ്ടതെന്ന് നിയമജ്ഞര്‍ വ്യക്തമാക്കുന്നു.

Leave a Reply

Your email address will not be published. Required fields are marked *