ജൂലൈ 31 ന് മൽസ്യബന്ധനത്തിനിടെ കാണാതായ പുല്ലുവിള സ്വദേശി ജോൺ മത്യാസ് 54 വയസ്സിനെ 10 ദിവസമായിട്ടും ഇതുവരെ കണ്ടെത്താൻ കഴിയാത്തത് സംസ്ഥാന സർക്കാരിൻ്റെ അനാസ്ഥയാണെന്നും , പരിചയ സമ്പന്നരായ മൽസ്യ തൊഴിലാളികളെ ഉൾപ്പെടുത്തി സ്കുബാ ഡൈവി ഴ്സിനെയും, ഹെലികോപ്റ്റർ നിരീക്ഷണം ഉൾപ്പെടെ 24 മണിക്കൂർ ഊർജിതമായ രക്ഷാപ്രവർത്തനം നടത്തണമെന്നും , കാണാതായ മൽത്സ്യ തൊഴിലാളികളെ കണ്ടെത്തുന്നതിന് പകരം അവരെ അപമാനിക്കുന്ന അപക്വ പ്രസ്താവനകൾ നടത്തുന്ന മുഖ്യമന്ത്രിയും മന്ത്രിമാരും സമൂഹത്തെ വെല്ലുവിളിയക്കുന്നത് അവസാനിപ്പിക്കണമെന്നും, കേന്ദ്ര സംസ്ഥാന സർക്കാരുകൾ ആധുനിക രക്ഷാ സംവിധാനകൾ ഉപയോഗപ്പെടുത്തി കാണാതായ മൽസ്യ തൊഴിലാളികളെ എത്രയും വേഗം കണ്ടെത്തണമെന്നും രാഷ്ട്രീയ ജനതാദൾ കോവളം നിയോജക മണ്ഡലം കമ്മിറ്റി ഒരു പ്രമേയത്തിലുടെ കേന്ദ്രസംസ്ഥാന സർക്കാരുകളോട് ആവശ്യപ്പെട്ടു . യോഗം RJD ദേശീയ ജനറൽ സെക്രട്ടറി ഡോ. എ .നീലലോഹിതദാസ് ExMP ഉദ്ഘാടനം ചെയ്തു. നിയോജക മണ്ഡലം പ്രസിഡൻ്റ് തെന്നൂർക്കോണം ബാബു അദ്ധ്യക്ഷം വഹിക്കുകയും അഡ്വ. ജമിലാ പ്രകാശം Ex MLA , പരശുവയ്ക്കൽ രാജേന്ദ്രൻ , പുല്ലുവിള ജോയ് , വിഴിഞ്ഞം ജയകുമാർ അഡ്വ. ജി. മുരളീധരൻ, വി. സുധാകരൻ, പുല്ലുവിള വിൻസൻ്റ് , എസ്. അനിൽകുമാർ ,കരിച്ചൽ ഗോപാലകൃഷ്ണൻ തുടങ്ങിയവർ സംസാരിച്ചു