എറണാകുളം ഓണം റിലീസുകളുടെ നിരയില് ഏറ്റവും മുന്നില് കേട്ടിരുന്ന പേരുകളിലൊന്നായിരുന്നു ദുല്ഖര് സല്മാന്റെ ‘ഐ ആം ഗെയിം’. ഓഗസ്റ്റ് 20-ന് തിയേറ്ററുകളില് എത്തുമെന്ന് കരുതിയ ചിത്രം അപ്രതീക്ഷിതമായാണ് റിലീസ് തിയതി മാറ്റിവെച്ചത്.ഓണം റിലീസ് പോരില് നിന്ന് താത്കാലികമായി പിന്മാറി സെപ്റ്റംബര് മൂന്നിലേക്ക് ചിത്രം മാറിയപ്പോള്, ദുല്ഖറിനെ കാത്തിരിക്കുന്നത് അതിനേക്കാള് കൗതുകമുള്ള മറ്റൊരങ്കമാണ്; സാക്ഷാല് മമ്മൂട്ടിയുമായുള്ള തിയേറ്റര് പോരാട്ടം!ആഗോളതലത്തില് കൂടുതല് പ്രേക്ഷകരിലേക്ക് സിനിമ എത്തിക്കുന്നതിനായി റിലീസ് നീട്ടുകയാണെന്ന് നിര്മാതാവ് കൂടിയായ ദുല്ഖര് വ്യക്തമാക്കിയതോടെ തന്നെ പ്രേക്ഷകര് പുതിയ റിലീസ് കലണ്ടര് പരിശോധിച്ചു തുടങ്ങിയിരുന്നു, അവിടെയാണ് ആരാധകര് ആ അപൂര്വ യാദൃശ്ചികത കണ്ടെത്തിയത്. ദുല്ഖര് ചിത്രം തിയേറ്ററുകളിലെത്തി അടുത്ത ദിവസം, അതായത് സെപ്റ്റംബര് നാലിന് പ്രകാശ് വര്മയെ നായകനാക്കി രഞ്ജിത്ത് സംവിധാനം ചെയ്യുന്ന ‘ലോ ആന്ഡ് ഓര്ഡര്’ റിലീസിനെത്തുകയാണ്.ചിത്രത്തില് മമ്മൂട്ടി എത്തുന്നതാകട്ടെ ഐക്കണിക് കഥാപാത്രമായ കരിക്കാമുറി ഷണ്മുഖന്റെ കാമിയോ റോളിലും!2004-ല് പുറത്തിറങ്ങിയ ‘ബ്ലാക്ക്’ എന്ന ചിത്രത്തിലെ ആക്ഷന് ഹീറോ കരിക്കാമുറി ഷണ്മുഖന് പിന്നീട് മലയാളത്തിലെ എക്കാലത്തെയും മികച്ച കള്ട്ട് കഥാപാത്രങ്ങളിലൊന്നായി മാറുകയായിരുന്നു.പതിനാല് വര്ഷത്തിനുശേഷം ഷണ്മുഖന് വീണ്ടും വെള്ളിത്തിരയിലെത്തുമ്പോള്, തിയേറ്ററില് അതിനെ എതിരിടുന്നത് ദുല്ഖറിന്റെ ‘ഡാന് ജോണ്’ എന്ന കഥാപാത്രമാണ്.വെള്ളിത്തിരയില് ഇതുവരെ ഒന്നിച്ചെത്തിയിട്ടില്ലാത്ത അച്ഛനും മകനും ബോക്സ് ഓഫീസില് നേര്ക്കുനേര് നില്ക്കുമ്പോള്, വരാനിരിക്കുന്ന സെപ്റ്റംബര് റിലീസ് സീസണ് ആവേശത്തിന്റേതാകുമെന്നുറപ്പാണ്.
മമ്മുട്ടിയും ദുൽഖറും ഒാണാഘോഷങ്ങളുമായി എത്തുന്നു, ഐ ആം ഗെയിം, ‘ലോ ആന്ഡ് ഓര്ഡര്’
