ഫെയ്സ് ഐ.എ.എസ് അക്കാദമി

തിരുവനന്തപുരം : ഫെയ്സ് ഐ.എ.എസ് അക്കാദമി ഗവേണിങ് കൗൺസിൽ യോഗം തിരുവനന്തപുരം തൈക്കാട് റസ്റ്റ് ഹൗസിൽ വൈസ് ചെയർമാൻ സി.എം നജീബിന്റെ അദ്ധ്യക്ഷതയിൽ ഡയറക്ടർ എം.പി. ജോസഫ് ഐ. എ. എസ് ഉദ്ഘാടനം ചെയ്തു.ചെയർമാൻ സെയ്ത് സൈൻ ബാഫഖിയുടെ പ്രാർത്ഥനയോടെ വാൽപ്പാറ ദുരന്തത്തിലും, തൃശ്ശൂർ പൂരം വെടിക്കെട്ട് അപകടത്തിലും മരിച്ചവർക്ക് ആദരാഞ്ജലികൾ അർപ്പിച്ചു. സി. ഇ. ഒ ബഷീർ എടാട്ട് സ്വാഗതം ആശംസിച്ചു . യാക്കൂബ് ഫൈസി ആമുഖപ്രഭാഷണം നടത്തി. നിയമസഭാ സെക്രട്ടറി ഡോ. എൻ കൃഷ്ണകുമാർ മുഖ്യപ്രഭാഷണവും ആലപ്പുഴ ജില്ലാ വിദ്യാഭ്യാസ ഓഫീസർ അബ്ദുൽസലാം കെ. എ.എസ്, മെക്ക ജില്ലാ പ്രസിഡന്റ്‌ ഡോ. നസീർ,സെക്രട്ടറി നിസാമുദ്ദീൻ വർക്കല, പ്രിൻസിപ്പൽ അമീർ അലി നൂറാനി, ഒ.അമീൻ,സൈദ് അമീൻ യൂസഫ്, പനച്ചമൂട് ഷാജഹാൻ, ഷേഖ് പരീത്,അബുൽ ഹസൻ വഴിമുക്ക്, നസീർ ആറാലുമൂട്, അജ്മൽ പാളയം, അബുസാലി എന്നിവർ പ്രസംഗിച്ചു.മുഹമ്മദ് മുർഷിദ് നന്ദി പറഞ്ഞു. ഉന്നത വിജയം കരസ്ഥമാക്കിയ വിദ്യാർത്ഥികളെ അനുമോദിക്കുകയും ലൈബ്രറിക്കുള്ള പുസ്തക സമാഹരണ ഉദ്ഘാടനവും നടന്നു.