നാടിന് അഭിമാനമായി “മിസ്റ്റർ സൗത്ത് ഇന്ത്യ”

ബംഗ്ലൂരു : കേരളത്തിന് അഭിമാന നിമിഷങ്ങൾ സമ്മാനിച്ച് ബോഡി ബിൽഡിംഗ് ആൻ്റ് ഫിറ്റ്നസ് മത്സരത്തിൽ മലയാളി യുവാവ് “മിസ്റ്റർ സൗത്ത് ഇന്ത്യാ” പട്ടം നേടി. തൃശൂരിൽ നേരത്തെ നടത്തിയ മത്സരത്തിൽ സീനിയർ 70 കിലോഗ്രാം വിഭാഗത്തിൽ മിസ്റ്റർ തൃശൂർ ചാമ്പ്യനായി തിരഞ്ഞെടുക്കപ്പെട്ട 32 കാരനായ വിവിയൻ ജോയ്. പി. ആണ് ദക്ഷിണേന്ത്യൻ സംസ്ഥാനങ്ങളിൽ നിന്നുള്ള മത്സരാർത്ഥികളെ പിൻ തള്ളി ജൂനിയർ വിഭാഗം മിസ്റ്റർ സൗത്ത് ഇന്ത്യയായത്. കഴിഞ്ഞ 5 വർഷത്തിലേറെയായി ബോഡി ബിൽഡിംഗ് ആൻ്റ് ഫിറ്റ്നസ് രംഗത്തു സജീവമായി പ്രവർത്തിക്കുന്ന വിവിയൻ ജോയ് തൃശൂർ ജില്ലയിലെ ഏനാമാവ് സ്വദേശിയാണ് . കർണ്ണാടക ബോഡി ബിൽഡേഴ്സ് അസോസിയേഷൻ്റെ നേതൃത്വത്തിൽ സുവർണ്ണ കർണ്ണാടക ബോഡി ബിൽഡേഴ്സ് ആൻ്റ് ഫിറ്റ്നസ് അസോസിയേഷൻ സംഘടിപ്പിച്ച മത്സരം തമിഴ്നാട്, കർണ്ണാടക, ആന്ധ്ര, തെലുങ്കാന, ഗോവ എന്നി സംസ്ഥാനങ്ങളിൽ നിന്നുള്ളവരെ ഉദ്ദേശിച്ചുള്ളതാണ്. നിരവധി മത്സരാർത്ഥികളെ പിൻ തള്ളിയാണ് മലയാളി യുവാവ് മികച്ച വിജയം സ്വന്തമാക്കിയത്.