പൊതുമേഖലാ സ്ഥാപനങ്ങളുടെ വില്പനയും സ്വകാര്യവത്കരണവും അവസാനിപ്പിക്കണം

പൊതുമേഖലാ സ്ഥാപനങ്ങളുടെ വില്പനയും സ്വകാര്യവത്കരണം അവസാനിപ്പിക്കണമെന്നും, തൊഴിലാളിവിരുദ്ധ ലേബർ കോഡുകൾ നടപ്പാക്കുന്നത് ഉപേക്ഷിയ്ക്കണമെന്നും ജനവിരുദ്ധവും വിലക്കയറ്റം സൃഷ്ടിയ്ക്കുന്നതുമായ കേന്ദ്രസർക്കാർ നയങ്ങൾ തിരുത്തണമെന്നും ആവശ്യപ്പെട്ടു കൊണ്ട് പ്രതിഷേധ സൂചകമായി ഫെബ്രുവരി 12 ന് നടത്തുന്ന പൊതുപണിമുടക്ക് വിജയിപ്പിക്കുവാൻ JLU വിൻ്റെ തൊഴിലാളി വിഭാഗമായ തിരുവനന്തപുരം ജില്ലാ ജനത ഹെഡ് ലോഡ് ആൻ്റ് ജനറൽ വർക്കേഴ്സ് യൂണിയൻ പ്രവർത്തക സമ്മേളനം പ്രമേയത്തിലൂടെ അഭ്യർത്ഥിക്കുന്നു. യുണിയൻ പ്രസിഡൻ്റ് തെന്നൂർക്കോണം ബാബുവിൻ്റെ അദ്ധ്യക്ഷതയിൽ കുടി യോഗം RJD ദേശീയ ജനറൽ സെക്രട്ടറി ഡോ. എ. നീലലോഹിതദാസ് ഉത്ഘാടനം ചെയ്തു. Adv. G. മുരളീധരൻ, മണ്ണക്കല്ല് രാജൻ, N പ്രഭാകരൻ , പനവിള സെലിൻ രാജ്, വട്ടവിള രാജൻ , BM ഹനീഫ, സമുദ്ര അജി, K പ്രഭാകരൻ, M അബ്ദുൽ വാഹിദ്, H.ഹംസ കണ്ണ് ,പുല്ലുവിളജോയി എന്നിവർ സംസാരിച്ചു.