പനത്തുറ മുഹുയിദ്ധീൻ പള്ളി മുസ്ലിം ജമാഅത്തിലെ ഉറുസ് സമാപന സമ്മേളനം

കോവളം :പനത്തുറ മുഹുയിദ്ധീൻ പള്ളി മുസ്ലിം ജമാഅത്തിലെ ഉറുസ് സമാപന സമ്മേളനം 22/9/2026 ചൊവ്വാഴ്ച്ച നടക്കും.പനത്തുറ മുസ്ലിം ജമാഅത്ത് ഇമാം മുഹ്സിൻ സഖാഫിയുടെ ഖിറാഅത്തോടുകുടി ആരംഭിക്കുന്ന സമ്മേളനം പനത്തുറ മുസ്ലിം ജമാഅത് പ്രസിഡന്റ്‌ മാഹിൻ കോവളം അദ്ധ്യക്ഷത വഹിക്കുന്ന ചടങ്ങിൽ ആരോഗ്യ ദേവസ്വം വകുപ്പ് മന്ത്രി കെ മുരളീധരൻ ഉദ്ഘാടനം ചെയ്യും.കേരള ഖത്തിബ് &ഖാസി ഫോറം ജനറൽ സെക്രട്ടറി പാച്ചല്ലൂർ അബ്ദുൽ സലിം മൗലവി മുഖ്യ പ്രഭാഷണം നടത്തും.മുൻ പൊതുവിദ്യാഭ്യാസ വകുപ്പ് മന്ത്രി വി ശിവൻകുട്ടി വീശിഷ്ട അതിഥിയാകും.ശാന്തിഗിരി ആശ്രമം ജനറൽ സെക്രട്ടറി സ്വാമി ഗുരു രത്നം ഞാനതപസ്വി, പത്തനംതിട്ട മാർ ഗ്രിഗോറിയസ് യാക്കോബായ ആശ്രമം മാനേജർ ഫാ സേവേറിയോസ് തോമസ് എന്നിവർ അനുഗ്രഹ പ്രഭാഷണം നടത്തും. വെള്ളാർ വാർഡ്‌ കൗൺസിലർ വി സത്യവതി, പ്രശസ്ത മതമൈത്രി സംഗീതജ്ഞൻ ഡോ വാഴമുട്ടം ചന്ദ്രബാബു,പനത്തുറ റിലീഫ് ഗ്രൂപ്പ്‌ ചെയർമാൻ മാഹിൻ പാറവിള,ഉറുസ് കമ്മിറ്റി കൺവീനർ അബ്ദുൽ അസീസ് പാച്ചല്ലൂർ എന്നിവർ ആശംസകൾ അർപ്പിച്ചു സംസാരിക്കും.പനത്തുറ മുസ്ലിം ജമാഅത്ത് ജനറൽ സെക്രട്ടറി നവാസ് പി എം എസ് സ്വാഗതവും പനത്തുറ മുസ്ലിം ജമാഅത്ത് ജോയിന്റ് സെക്രട്ടറി നവാസ് വെള്ളാർ കൃതജ്ഞതയും പറയും.23/9/2026 ബുധനാഴ്ച വെളുപ്പിന് നടക്കുന്ന ദുആയോടുകുടി ഉറുസിന് പരിസമാപ്‌തിയാകും.