ലോക കേരളസഭയുമായി യുഡിഎഫ് മുന്നോട്ട് പോകണം ഐഎഎഫ്സി

തിരുവനന്തപുരം : വിദേശ മലയാളികളെയും കേരള സർക്കാരിനെയും തമ്മിൽ യോജിപ്പിക്കുന്ന ലോക കേരളസഭയുമായി യുഡിഎഫ് സർക്കാർ മുന്നോട്ട് പോകണമെന്ന് തിരുവനന്തപുരത്ത് ചേർന്ന ഇൻഡോ അറബ് ഫ്രണ്ട്ഷിപ്പ് സെന്ററിന്റെ യോഗം ആവശ്യപ്പെട്ടു. വിദേശ മലയാളികൾ നാടിന്റെ നട്ടെല്ലാണെന്നും അവർ ഉണ്ടാക്കിയ വികസനമാണ് ഇവിടെ കാണുന്നതെന്നും കൂടുതൽ അധികാരങ്ങൾ നൽകി ലോക കേരള സഭയുമായി യുഡിഎഫ് മുന്നോട്ടു പോകണം എന്നാണ് ആഗ്രഹമെന്നും അതിനായി മുഖ്യമന്ത്രി അടക്കമുള്ള യുഡിഎഫ് നേതാക്കളെ അടുത്താഴ്ച കാണുമെന്നും പ്രസിഡന്റ് അഡ്വ.ആർ ആർ നായർ അറിയിച്ചു. മുൻ കെടിഡിസി ചെയർമാൻ വിജയൻ തോമസ് ഡോ. അമാനുള്ള വടക്കാങ്ങര (ഖത്തർ),ഹംസ അലി (ബഹറിൻ),നിതിൻ അഷറഫ് കുളമൂട്ടം (അബുദാബി),അമീർ ലബ്ബ (കുവൈറ്റ്‌), സുധീർ അബ്ദുറഹീം(സൗദി അറേബ്യ), മുഹമ്മദ് സിറാജുദ്ദീൻ (ദുബായ്), റഹീം(ഒമാൻ),ഷംനാദ് (ലണ്ടൻ),ഹാലിംഷാ ഹാഷിം(സ്വീഡൻ)തുടങ്ങിയവർ പങ്കെടുത്ത് സംസാരിച്ചു. കോഡിനേറ്റർ മുഹമ്മദ് ബഷീർ ബാബു സ്വാഗതവും അഡ്വ. ഷബ്‌ന റഹീം നന്ദിയും രേഖപ്പെടുത്തി. അടുത്ത ആഴ്ച യുഡിഎഫ് നേതാക്കളെ കണ്ടു നിവേദനം നൽകാൻ യോഗം തീരുമാനിച്ചു.