മുട്ടത്തറ വടുവൊത്ത് ശ്രീമഹാവിഷ്ണു ക്ഷേത്ര ആറാട്ട് മഹോൽസവത്തിന് 25 ന് കൊടിയേറും

തിരു : പ്രസിദ്ധവും അതിപുരാതനവുമായ മുട്ടത്തറ വടുവൊത്ത് മഹാവിഷ്ണു ക്ഷേത്ര ആറാട്ട് മഹോൽസവത്തിന് 25 ശനിയാഴ്ച കൊടിയേറും. രാവിലെ 10.15 നും 10.45 മധ്യേ നടക്കുന്ന കൊടിയേറ്റിന് തന്ത്രി തരണനല്ലൂർ എൻ.പി ഗോവിന്ദൻ നമ്പൂതിരിപ്പാട് കാർമ്മികത്വം വഹിക്കും. വൈകുന്നേരം നടക്കുന്ന സാംസ്കാരിക സമ്മേളനം കസ്റ്റംസ് അസിസ്റ്റൻ്റ് കമ്മീഷ്ണർ ജി. ഗോമതി ഉദ്ഘാടനം ചെയ്യും. 29 ന് പുറത്തെഴുന്നള്ളത്തും 30 ന് ശ്രീപത്മനാഭ സ്വാമിക്കൊപ്പം ആറാട്ടിനെഴുന്നള്ളത്തും നടക്കും. 31 ന് ദേവീക്ഷേത്ര പൊങ്കാലയോടെ ഉൽസവത്തിന് സമാപനമാകും. സുഹൃതഹോമം, മഹാധന്വന്തരി ഹോമം, മഹാമൃത്യുഞ്ജയ ഹോമം തുടങ്ങിയ പ്രത്യേക പൂജകൾ, കലാപരിപാടികൾ, അന്നദാനം എന്നിവയും ഉണ്ടാകും.