കുന്നംകുളം: പന്ത്രണ്ടാമത് കേരള ആരോഗ്യശാസ്ത്ര സർവകലാശാല ഇന്റർ കോളീജിയേറ്റ് അത്‌ലറ്റിക് മീറ്റിന് കുന്നംകുളം ഗവ. ബോയ്സ് ഹൈസ്കൂൾ സ്റ്റേഡിയത്തിൽ വർണാഭമായ തുടക്കം. മൂന്നു ദിവസങ്ങളിലായി (ഡിസംബർ 12-14) നടക്കുന്ന കായിക മാമാങ്കത്തിന്റെ സമാപന സമ്മേളനത്തിൽ കേരള ആരോഗ്യ ശാസ്ത്ര സർവ്വ കലാശാല വിദ്യാർത്ഥി കാര്യ ഡീൻ ഡോ ആശിഷ് രാജശേഖരൻ അധ്യക്ഷനായിരുന്നു. ചടങ്ങിൽ തൃശൂർ സർക്കാർ മെഡിക്കൽ കോളേജ് പ്രിൻസിപ്പൽ സ്വാഗതം ആശംസിച്ചു സംസാരിച്ചു. ഗ്രാൻഡ് ചെസ്സ് ചാമ്പ്യൻ നിഹാൽ സരിൻ വിശിഷ്ട അതിഥിയായിരുന്നു. വിവിധ മത്സര ഇനങ്ങളിലെ വിജയികൾക്കു സമ്മാനദാനം നടത്തി. ഒന്നാം സ്ഥാനം സർക്കാർ മെഡിക്കൽ കോളേജ് കോഴിക്കോട്, രണ്ടാം സ്ഥാനം കോലഞ്ചേരി മെഡിക്കൽ കോളേജ്, മൂന്നാം സ്ഥാനം ടി ഡി മെഡിക്കൽ കോളേജ് ആലപ്പുഴ എന്നിവർ നേടി. സർവകലാശാലയ്ക്ക് കീഴിലുള്ള വിവിധ കോളേജുകളിൽ നിന്നായി ആയിരത്തോളം വിദ്യാർത്ഥികളും അധ്യാപകരും മേളയിൽ പങ്കെടുക്കുന്നുണ്ട്.സ്പോർട്സ് കോർഡിനേറ്റർ ഡോ. എം.എസ്. ഗോവിന്ദൻകുട്ടി, സി-സോൺ കൺവീനർ ഇ.ജെ. ജോർജ്, പ്രസിഡന്റ് ബാലൻ എന്നിവർ സന്നിഹിതരായിരുന്നു. തൃശൂർ മെഡിക്കൽ കോളജ് കായിക വിഭാഗം മേധാവി ഡോ. എം.വി. അജയ്ഘോഷ് ചടങ്ങിൽ റിപ്പോർട്ട്‌ അവതരിപ്പിച്ചു. സർക്കാർ മെഡിക്കൽ കോളേജ് തൃശ്ശൂരിലെ മനീഷ് മേനോൻ നന്ദി രേഖപ്പെടുത്തി.
Related Posts
മുനമ്പം ഭൂപ്രശ്നത്തിൽ കലക്ടർ കോടതിയലക്ഷ്യം നടത്തിയെന്ന് ഹൈക്കോടതി
കൊച്ചി: മുനമ്പം ഭൂപ്രശ്നത്തിന് മേലുള്ള ഉത്തരവിൽ കലക്ടർ കോടതിയലക്ഷ്യം നടത്തിയെന്ന് ഹൈക്കോടതി. മുനമ്പത്തെ കൈവശക്കാരില്‍ നിന്ന് കരം മാത്രമേ സ്വീകരിക്കാമെന്നായിരുന്നു കോടതി നിർദ്ദേശം. എന്നാൽ പോക്കുവരവിനും കൈവശ…
അസ്ഥിരോഗ ഗവേഷണ രംഗത്ത് തിളക്കമാർന്ന നേട്ടം: ഗവേഷണ പ്രബന്ധത്തിന് അപ്പോളോ അഡ്ലക്സ് ഹോസ്പിറ്റലിലെ ഡോ. പ്രിൻസ് ഷാനവാസ് ഖാന് പുരസ്‌കാരം
കൊച്ചി : അസ്ഥിരോഗ ഗവേഷണ രംഗത്തെ മികച്ച പ്രബന്ധാവതരണത്തിന് അങ്കമാലി അപ്പോളോ അഡ്ലക്സ് ഹോസ്പിറ്റലിലെ ഓർത്തോപീഡിക്സ് സീനിയർ കൺസൾട്ടന്റായ ഡോ. പ്രിൻസ് ഷാനവാസ് ഖാന് പുരസ്‌കാരം. ജയ്പൂരിൽ…
യാത്രക്കാരിയെ ട്രെയിനിൽ നിന്ന് ഇറക്കി വിട്ടു, രണ്ടുലക്ഷം നഷ്ടപരിഹാരം വിധിച്ച് മനുഷ്യാവകാശ കമീഷൻ
തിരുവനന്തപുരം: യാത്രക്കാരിയെ ട്രെയിനിൽ നിന്ന് ഇറക്കി വിട്ടു,. റിസർവേഷൻ ടിക്കറ്റുണ്ടായിട്ടും യാത്രക്കാരിയെ അർധരാത്രി ട്രെയിനിൽ നിന്ന് ഇറക്കിവിട്ടത്. സംഭവത്തിൽ റെയിൽവേക്ക് പിഴ ചുമത്തി സംസ്ഥാന മനുഷ്യാവകാശ കമീഷൻ.…