മാർച്ച് 27ന് സംഭവിച്ചില്ല; നവംബർ 10ന് ആ “നക്ഷത്രം’ പൊട്ടിത്തെറിച്ചേക്കാം

ഏ​ക​ദേ​ശം 3,000 പ്ര​കാ​ശ​വ​ർ​ഷം അ​ക​ലെ സ്ഥി​തി​ചെ​യ്യു​ന്ന ഒ​രു ന​ഷ​ത്രം പൊ​ട്ടി​ത്തെ​റി​യുടെ വക്കിലാണ്. മാർച്ച് 27ന് പൊട്ടിത്തെറിക്കുമെന്ന് ശാസ്ത്രലോകം കരുതിയിരുന്ന “നോ​ർ​ത്തേ​ൺ ക്രൗ​ൺ’ ന​ക്ഷ​ത്ര​സ​മൂ​ഹ​ത്തി​ലെ “ടി ​കൊ​റോ​ണെ ബോ​റി​യാ​ലി​സ്’ (T CrB) നവംബർ പത്തിനു പൊട്ടിത്തെറിച്ചേക്കാമെന്ന് ഗവേഷകർ‌ വിശ്വസിക്കുന്നു. എ​ൺ​പ​തു വ​ർ​ഷ​ത്തി​ലൊ​രി​ക്ക​ൽ​മാ​ത്രം സം​ഭ​വി​ക്കു​ന്ന അ​തി​ശ​യ​ക​ര​മാ​യ സ്ഫോ​ട​നം കു​റ​ച്ചു​ദി​വ​സ​ത്തേ​ക്കു രാ​ത്രി​യി​ൽ നേ​രി​ട്ടു ദൃ​ശ്യ​മാ​കും എ​ന്ന​താ​ണ് ഏ​റ്റ​വും വ​ലി​യ പ്ര​ത്യേ​ക​ത. ആ​കാ​ശ​ത്തെ ഏ​റ്റ​വും തി​ള​ക്ക​മു​ള്ള 48-ാമ​ത്തെ ന​ക്ഷ​ത്ര​മാ​യ നോ​ർ​ത്ത് സ്റ്റാ​റി​ന് സ​മാ​ന​മാ​യ പ്ര​കാ​ശ​ത്തി​ൽ ഇ​തു കാ​ണാ​നാ​കു​മ​ത്രെ! 1946ൽ ​ആ​ണ് ഇ​ത് അ​വ​സാ​ന​മാ​യി സം​ഭ​വി​ച്ച​ത്. അ​തി​നു​ശേ​ഷം വാ​ന​നി​രീ​ക്ഷ​ക​ർ​ക്ക് ഈ ​ആ​കാ​ശ​വി​സ്മ​യം ദ​ർ​ശി​ക്കാ​നു​ള്ള അ​സു​ല​ഭ​സ​ന്ദ​ർ​ഭ​മാ​ണു കൈവരാൻ പോകുന്നത്. “നോ​ർ​ത്തേ​ൺ ക്രൗ​ൺ’ ന​ക്ഷ​ത്ര​സ​മൂ​ഹ​ത്തി​ലെ മ​ങ്ങി​യ ന​ക്ഷ​ത്ര​മാ​ണ് “ടി ​കൊ​റോ​ണെ ബോ​റി​യാ​ലി​സ്’ (T CrB). ​ക​ഴി​ഞ്ഞ സെ​പ്റ്റം​ബ​ർ മു​ത​ൽ; T CrB-യെ ​സൂ​ഷ്മ​മാ​യി നി​രീ​ക്ഷി​ച്ച​തി​ന്‍റെ അ​നു​മാ​ന​ത്തി​ൽ, ദീ​ർ​ഘ​കാ​ല​മാ​യി കാ​ത്തി​രു​ന്ന സ്ഫോ​ട​ന​ത്തി​ന്‍റെ ആ​സ​ന്ന​മാ​യ​വ​ര​വി​നെ സൂ​ചി​പ്പി​ക്കു​ന്ന വ്യ​തി​യാ​ന​ങ്ങ​ൾ ശാ​സ്ത്ര​കാ​ര​ന്മാ​ർ ക​ണ്ടെ​ത്തി​യി​രു​ന്നുവെന്ന് SETI ഇ​ൻ​സ്റ്റി​റ്റ്യൂ​ട്ടി​ലെ ജ്യോ​തി​ശാ​സ്ത്ര​ജ്ഞ​നും യൂ​ണി​സ്റ്റെ​ല്ലാ​ർ സ​ഹ​സ്ഥാ​പ​ക​നു​മാ​യ ഫ്രാ​ങ്ക് മാ​ർ​ച്ചി​സ് പ​റ​ഞ്ഞു. എ​ന്നി​രു​ന്നാ​ലും, പ​ഠ​നം ഇ​പ്പോ​ഴും സൈ​ദ്ധാ​ന്തി​ക​മാ​യ​തി​നാ​ൽ, അ​തി​ന്‍റെ നി​ഗ​മ​ന​ങ്ങ​ൾ അ​നി​ശ്ചി​ത​ത്വ​ത്തി​ലാ​ണെ​ന്നും മാ​ർ​ച്ചി​സ്. ടി ​കൊ​റോ​ണ ബൊ​റി​യാ​ലി​സ് എ​ന്ന​ത് “നോ​ർ​ത്തേ​ൺ ക്രൗ​ൺ’ ന​ക്ഷ​ത്ര​സ​മൂ​ഹ​ത്തി​ൽ സ്ഥി​തി ചെ​യ്യു​ന്ന ഒ​രു ദ്വ​ന്ദ്വ ന​ക്ഷ​ത്ര​വ്യ​വ​സ്ഥ​യാ​ണ്. ഏ​ക​ദേ​ശം 3,000 പ്ര​കാ​ശ​വ​ർ​ഷം അ​ക​ലെ​യാ​ണ് ഇ​തി​ന്‍റെ സ്ഥാ​നം. ഇ​തി​ൽ ര​ണ്ടു ന​ക്ഷ​ത്ര​ങ്ങ​ളാ​ണു​ള്ള​ത്: ഒ​രു ചു​വ​ന്ന ഭീ​മ​നും ഒ​രു വെ​ളു​ത്ത കു​ള്ള​നും. ചു​വ​ന്ന ഭീ​മ​ൻ ന​ക്ഷ​ത്രം പ്രാ​യ​മാ​കു​ന്തോ​റും ത​ണു​ക്കു​ക​യും വി​ക​സി​ക്കു​ക​യും ചെ​യ്യു​ന്നു. പ്രാ​യ​മാ​കു​മ്പോ​ൾ വ​സ്തു​ക്ക​ൾ പു​റ​ന്ത​ള്ളു​ന്നു. വെ​ള്ള​ക്കു​ള്ള​ൻ ന​ക്ഷ​ത്രം ചു​രു​ങ്ങി, ത​ണു​ത്തു​കൊ​ണ്ടി​രി​ക്കു​ന്നു. ചു​വ​ന്ന ന​ക്ഷ​ത്ര​ത്തി​ൽ​നി​ന്നു പു​റ​ന്ത​ള്ളു​ന്ന വ​സ്തു​ക്ക​ൾ വെ​ള്ള​ക്കു​ള്ള​നി​ൽ ശേ​ഖ​രി​ക്ക​പ്പെ​ടു​ന്നു. ചു​വ​ന്ന ഭീ​മ​ൻ ന​ക്ഷ​ത്ര​ത്തി​ൽ​നി​ന്നു ചോ​ർ​ന്ന കാ​ല​ക്ര​മേ​ണ വ​സ്തു​ക്ക​ൾ ശേ​ഖ​രി​ക്കു​ന്ന വെ​ള്ള​ക്കു​ള്ള​ൻ ഒ​ടു​വി​ൽ തെ​ർ​മോ ന്യൂ​ക്ലി​യ​ർ സ്ഫോ​ട​ന​ത്തി​നു കാ​ര​ണ​മാ​കു​ന്നു. സാ​ധാ​ര​ണ​യാ​യി അ​ദൃ​ശ്യ​മാ​യ ന​ക്ഷ​ത്രം, സ്ഫോ​ട​ന​ത്തി​ന്‍റെ ഫ​ല​മാ​യാ​ണു ഭൂ​മി​യി​ൽ​നി​ന്ന് ന​ഗ്ന​നേ​ത്ര​ങ്ങ​ൾ​ക്കു ദൃ​ശ്യ​മാ​കു​ന്ന​തെ​ന്നു ശാ​സ്ത്ര​ലോ​കം പ​റ​യു​ന്നു. പാരീസിൽ സ്ഥിതിചെയ്യുന്ന ഗവേഷണസ്ഥാപനമായ പാരീസ് ഒബ്സർവേറ്ററിയിലെ ഷാൺ ഷ്നീഡർ, മാർച്ച് 27ന് സംഭവിക്കാതിരുന്ന സ്ഫോടനം ഈവർഷം നവംബർ പത്തിന് സംഭവിച്ചേക്കാമെന്ന് അഭിപ്രായപ്പെടുന്നു. നവംബറിൽ സ്ഫോടനം നടന്നില്ലെങ്കിൽ 2026 ജൂൺ 25ന് സ്ഫോടനം നടന്നേക്കാമെന്നും ഷ്നീഡർ പറയുന്നു.അ​മേ​രി​ക്ക​ൻ അ​സോ​സി​യേ​ഷ​ൻ ഓ​ഫ് വേ​രി​യ​ബി​ൾ സ്റ്റാ​ർ ഒ​ബ്സ​ർ​വേ​ഴ്‌​സി​ന്‍റെ അ​ഭി​പ്രാ​യ​ത്തി​ൽ, 2023 മാ​ർ​ച്ച്, ഏ​പ്രി​ലി​ൽ ന​ക്ഷ​ത്ര​ത്തി​ന്‍റെ തെ​ളി​ച്ചം കു​റ​ഞ്ഞു. 2024 ഏ​പ്രി​ലി​ൽ അ​തു നോ​വ​യാ​യി മാ​റു​മെ​ന്നാ​യി​രു​ന്നു അ​വ​രു​ടെ പ്ര​വ​ച​നം, പ​ക്ഷേ അ​തു സം​ഭ​വി​ച്ചി​ല്ല. 1787, 1866, 1946 വ​ർ​ഷ​ങ്ങ​ളി​ൽ T CrB പൊ​ട്ടി​ത്തെ​റി​ച്ച​താ​യി രേ​ഖ​ക​ൾ കാ​ണി​ക്കു​ന്നു. ഇ​തു നി​ര​വ​ധി കാ​ല​ഘ​ട്ട​ങ്ങ​ളി​ലാ​യി ജ്യോ​തി​ശാ​സ്ത്ര​ജ്ഞ​ർ നി​രീ​ക്ഷി​ച്ച, പ്ര​വ​ചി​ക്ക​പ്പെ​ട്ട സം​ഭ​വ​മാ​ണെ​ന്നും ഗ​വേ​ഷ​ക​ർ പ​റ​ഞ്ഞു.