ഫി​ലി​പ്പീ​ൻ​സി​ൽ ഭൂ​ക​മ്പം: 7.6 തീ​വ്ര​ത; സു​നാ​മി മു​ന്ന​റി​യി​പ്പ്

മ​നി​ല: ഫി​ലി​പ്പീ​ൻ​സി​ൽ ശക്തമായ ഭൂ​ക​ന്പം. റി​ക്ട​ർ സ്കെ​യി​ലി​ൽ 7.6 തീ​വ്ര​ത രേ​ഖ​പ്പെ​ടു​ത്തി​യ ഭൂ​ക​ന്പം വ​ലി​യ പ​രി​ഭ്രാ​ന്തി പ​ര​ത്തി. അ​തി​ശ​ക്ത​മാ​യ ഭൂ​ക​മ്പ​ത്തെ​ത്തു​ട​ർ​ന്ന് തീ​ര​ദേ​ശ​ങ്ങ​ളി​ൽ സു​നാ​മി മു​ന്ന​റി​യി​പ്പ് പ്ര​ഖ്യാ​പി​ച്ചു. സു​ര​ക്ഷാ​ഭീ​ഷ​ണി​യു​ള്ള പ്ര​ദേ​ശ​ങ്ങ​ളി​ൽ​നി​ന്ന് ആ​ളു​ക​ളെ ഒ​ഴി​പ്പി​ക്കു​ക​യാ​ണ്. വൻനാശമൊന്നും റിപ്പോർട്ട് ചെയ്തിട്ടില്ലെങ്കിലും ചി​ല കെ​ട്ടി​ട​ങ്ങ​ൾ​ക്കു കേ​ടു​പാ​ടു​ക​ൾ സം​ഭ​വി​ച്ച​താ​യി പ്രാദേശികഭരണകൂടം അറിയിച്ചു. അടിയന്തരസാഹചര്യം നേരിടാനായി സുരക്ഷാ ഉദ്യോഗസ്ഥരെ നിയോഗിച്ചിട്ടുണ്ട്. മി​ൻ​ഡാ​നാ​വോ​യി​ലെ ഡാ​വോ ഓ​റി​യ​ന്‍റ​​ലി​ലെ മ​നാ​യ് പ​ട്ട​ണ​ത്തിനു സ​മീ​പം പത്തു കി​ലോ​മീ​റ്റ​ർ താ​ഴ്ച​യി​ലാ​ണ് ഭൂ​ക​മ്പം ഉ​ണ്ടാ​യ​തെ​ന്ന് ഫിലിപ്പീൻസ് ഇൻസ്റ്റിറ്റ്യൂട്ട് ഓഫ് വോൾക്കനോളജി ആൻഡ് സീസ്‌മോളജി പ​റ​ഞ്ഞു. തു​ട​ർ​ച​ല​ന​ങ്ങൾ ഉ​ണ്ടാ​കു​മെ​ന്ന് ഏ​ജ​ൻ​സി മു​ന്ന​റി​യി​പ്പു ന​ൽ​കി. മ​ധ്യ, തെ​ക്ക​ൻ ഫി​ലി​പ്പീ​ൻ​സി​ലെ തീ​ര​പ്ര​ദേ​ശ​ങ്ങ​ളി​ലെ താ​മ​സ​ക്കാ​ർ മാ​റ​ണ​മെ​ന്ന് അധികൃതർ പറഞ്ഞു. ആ​ള​പാ​യ​മോ ​ന​ഷ്ട​ങ്ങ​ളോ ഉ​ണ്ടാ​യ​താ​യി പ്രാഥമിക റി​പ്പോ​ർ​ട്ടു​ക​ളൊ​ന്നു​മി​ല്ല. അ​തേ​സ​മ​യം, ഭൂ​ക​മ്പ​ത്തി​ന്‍റെ പ്ര​ഭ​വ​കേ​ന്ദ്ര​ത്തി​ൽനി​ന്ന് 186 മൈ​ൽ അ​ക​ലെ അ​പ​ക​ട​ക​ര​മാ​യ തി​ര​മാ​ല​ക​ൾ ഉ​ണ്ടാ​കാ​മെ​ന്ന് ഹ​വാ​യി​യി​ലെ പ​സ​ഫി​ക് സു​നാ​മി മു​ന്ന​റി​യി​പ്പ് കേ​ന്ദ്രം അ​റി​യി​ച്ചിട്ടുണ്ട്. ഫി​ലി​പ്പീ​ൻ​സ് തീ​ര​ത്തിന്‍റെ ചി​ല ഭാ​ഗ​ങ്ങ​ളി​ൽ മൂന്നു മീ​റ്റ​ർ വ​രെ ഉ​യ​ര​ത്തി​ൽ തി​ര​മാ​ല​ക​ൾ ഉ​ണ്ടാ​കാ​ൻ സാ​ധ്യ​ത​യു​ണ്ട്. ഇ​ന്തോ​നേ​ഷ്യ​യി​ലും പ​ലാ​വു​വി​ലും വലിയ തി​ര​മാ​ല​ക​ൾ ഉ​ണ്ടാ​കു​മെ​ന്നു മുന്നറിയിപ്പുണ്ട്. കെട്ടിടങ്ങൾ കുലുങ്ങുന്നതിന്‍റെയും ആളുകൾ പരിഭ്രാന്തരായി തെരുവിലേക്ക് ഓടുന്നതിന്‍റെയും ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. ‌