നെയ്യാറ്റിൻകരയിൽ തെങ്ങ് കടപുഴകി വീണ് രണ്ടു തൊഴിലുറപ്പ് തൊഴിലാളികൾ മരിച്ചു.

തിരുവനന്തപുരം .നെയ്യാറ്റിൻകര കുന്നത്തുകാലിൽ തെങ്ങ് കടപുഴകി വീണ് തൊഴിലുറപ്പ് തൊഴിലാളികൾ ആയ രണ്ട് സ്ത്രീകൾക്ക് ദാരുണഅന്ത്യം. കുന്നത്തുകാൽ സ്വദേശികളായ വസന്തകുമാരി (65)ചന്ദ്രിക(65) എന്നിവരാണ് മരിച്ചത് കുന്നൂർക്കോണം ഭാഗത്ത് തൊഴിലുറപ്പ് ജോലി ചെയ്യുന്നതിനിടയിൽ ആയിരുന്നു അപകടം.പത്തുമണിയോടെ ഭക്ഷണം കഴിക്കുന്നതിനായി പാലത്തിന് മുകളിൽ ഇരിക്കുമ്പോഴാണ് തെങ്ങ് വീഴുന്നത്.അഞ്ചുപേർക്ക് പരിക്കേൽക്കുകയും ചെയ്തു. മരിച്ചവരുടെ മൃതദേഹം കാരക്കോണം മെഡിക്കൽ കോളേജ് ആശുപത്രിയിലേക്ക് മാറ്റി.