🔵നവ വധുവിന് അതിക്രൂരമായ പീഡനം.🟣

കൊല്ലം :കൊല്ലം ജില്ലയിലെ കൊട്ടാരക്കരയിൽ സ്ത്രീധനത്തിന്റെ പേരിൽ നവവധുവിന് നേരെ ഭർത്താവിന്റെ ക്രൂര പീഡനം. അഞ്ചു എന്ന യുവതിയാണ് ഭർത്താവായ നന്ദുവിൽ നിന്നും സമാനതകളില്ലാത്ത ഗാർഹിക പീഡനത്തിന് ഇരയായത്. മൂന്ന് മാസം മുൻപായിരുന്നു ഇവരുടെ വിവാഹം കഴിഞ്ഞത്.
മലപ്പുറം ന്യൂസ്‌.
അഞ്ചുവിന്റെ വാക്കുകൾ

“മൂന്ന് മാസം മുന്നേയാണ് വിവാഹം കഴിഞ്ഞത്. ചേച്ചിക്ക് 50 പവനും കാറും കൊടുത്തു എന്ന് പറഞ്ഞിട്ടുണ്ടായിരുന്നു. എപ്പോഴും അത് ഇടയ്ക്കിടയ്ക്ക് നന്ദു പറയാറുണ്ടായിരുന്നു. നന്ദുവിന്റെ പ്രശ്നം അതിനേക്കാൾ കൂടുതൽ എനിക്ക് സൗന്ദര്യമില്ല, എനിക്കും മറ്റു എന്തെങ്കിലും ബന്ധമുണ്ട് അങ്ങനത്തെ സംശയങ്ങളായിരുന്നു നന്ദുവിന്. നന്ദുവിന് ഇപ്പൊ ഞാൻ ആരുമായിട്ട് സംസാരിച്ചാലും എല്ലാം അയാളെ സംശയമാണ്. ഞാൻ നന്ദുവിനോടല്ലാതെ വേറെ ആരുമായിട്ട് ഞാൻ സംസാരിക്കരുത്, നന്ദുവിനെ മാത്രമേ ഞാൻ സംസാരിക്കാവുള്ളൂ.

ഇവൻ എവിടെയെങ്കിലും പോയാൽ പോലും നന്ദുവിനോട് ഞാൻ പോവുകയാണെന്ന് പറഞ്ഞിട്ട് പോയിട്ട് തിരിച്ചു വരുമ്പോഴായിരിക്കും നന്ദുവിനെ ഞാൻ വിളിക്കുന്നത്. അപ്പൊ നന്ദുവാണെങ്കിൽ ഇത്രയും നേരം നീ ഞാൻ വിളിക്കാഞ്ഞത് നന്ദുവിനോട് എനിക്ക് സ്നേഹമില്ല എന്നുള്ള ഒരു രീതിക്കൊക്കെയാണ് എന്ന് പറയുമായിരുന്നു. ലൈക് ഒരു സൈക്കോനെപ്പോലാണ് നന്ദു എന്നോട് ബിഹേവ് ചെയ്യുന്നത്. വിദേശത്ത് പോകുന്നത് വരെ
​അവർ എന്നെ മർദ്ദിക്കുകയോ പെരുമാറുകയോ അങ്ങനെ ചെയ്തിട്ടില്ല.

സ്ത്രീധനത്തിന്റെ അവരും പറഞ്ഞിട്ടുണ്ട്, ചേച്ചിക്ക് ഇത്ര കൊടുത്തു എന്നൊക്കെ ലൈക് കമ്പയർ ചെയ്യുവായിരുന്നു.

അടുക്കളയിൽ യൂസ് ചെയ്യുന്ന പ്രഷർ കുക്കറും ഇടിക്കല്ല്, ബെൽറ്റ്, ബൂട്ട്സ്, ലാപ്ടോപ്പിന്റെ ചാർജർ അങ്ങനെ വീട്ടിൽ ഉപയോഗിക്കുന്ന എല്ലാ സാധനങ്ങളും ഉപയോഗിച്ച് എന്നെ അടിച്ചു.
​സെപ്റ്റംബർ 4ന് ഞാൻ സൗദിയിൽ നന്ദുവിന്റെ അടുത്ത് പോയായിരുന്നു. അതിന് ശേഷമാണ് നന്ദു എന്നെ ഉപദ്രവിക്കാൻ തുടങ്ങിയത്. നന്ദു മാനസികമായി ഇവിടെ വെച്ചിട്ടും എന്നെ ഉപദ്രവിക്കുവായിരുന്നു. അടിക്കാൻ ഒക്കെ വന്നിട്ടുമുണ്ട്. പക്ഷെ വീട്ടിൽ ആൾക്കാർ ഉള്ളത് കൊണ്ടായിരിക്കാം നന്ദു എന്നെ അങ്ങനെ അടിച്ചിട്ടില്ലായിരുന്നു. പക്ഷെ അവിടെ ചെന്നതിന് ശേഷം അവിടെ വേറെ ആരുമില്ല ഞാനും നന്ദുവും മാത്രമേയുള്ളൂ. നന്ദു എന്നെ അടിക്കുവായിരുന്നു. ഞാൻ കരയുമ്പോൾ നന്ദു കരയുന്നതിനും അടിക്കുവായിരുന്നു. ഫോൺ എല്ലാം എപ്പോഴും ചെക്ക് ചെയ്യുവായിരുന്നു. നന്ദുവിന്റെ കയ്യിൽ തന്നെയായിരിക്കും എപ്പോഴും ഫോൺ. അവസാനത്തെ അഞ്ചു ദിവസം നന്ദുവിന്റെ കയ്യിൽ തന്നെയായിരുന്നു ഫോണും ലാപ്പും എല്ലാം. അതെല്ലാം നന്ദു കൊണ്ടുപോയി എന്നെ വീട്ടീന്ന് പൂട്ടിയിട്ടിട്ടാണ് നന്ദു ജോലിക്ക് പോകുന്നത്. എന്നിട്ട് ഇത്രയും ഉപദ്രവിച്ചിട്ട് എന്നെ ഫുഡ് കുക്ക് ചെയ്ത് വെക്കാൻ പറയുമായിരുന്നു. അങ്ങനെ ഫുഡ് വരെ കുക്ക് ചെയ്ത് വെപ്പിക്കുവായിരുന്നു എന്നെ കൊണ്ട്.”

​(മാധ്യമപ്രവർത്തകന്റെ ചോദ്യം: ഇക്കാര്യങ്ങൾ പുറത്ത് ആരോടെങ്കിലും പറഞ്ഞിരുന്നോ?)

​അഞ്ചുവിന്റെ മറുപടി: “ഇല്ല, ഞാൻ ഒന്നും ആരോടും പറഞ്ഞിട്ടില്ലായിരുന്നു. എനിക്ക് നന്ദുവിനെ ഭയങ്കര പേടിയായിരുന്നു. ഞാൻ അതുകൊണ്ട് ആരോടും ഒന്നും പറഞ്ഞിട്ടില്ലായിരുന്നു.”

അതിക്രൂരമായ ഈ മർദ്ദനങ്ങളിൽ നിന്നും മകളുടെ ജീവൻ തിരികെ ലഭിച്ചത് വലിയൊരു ഭാഗ്യമാണെന്നും, അല്ലാത്തപക്ഷം തങ്ങൾക്ക് അവളെ എന്നെന്നേക്കുമായി നഷ്ടപ്പെടുമായിരുന്നു എന്നും അഞ്ചുവിന്റെ കുടുംബം പ്രതികരിച്ചു. ഈ സംഭവത്തിൽ നന്ദുവിനും മാതാപിതാക്കൾക്കുമെതിരെ പോലീസ് ശക്തമായ നടപടികൾ സ്വീകരിക്കുകയും കേസെടുക്കുകയും ചെയ്തിട്ടുണ്ട്. നിലവിൽ സൗദി അറേബ്യയിലെ ഒരു സ്വകാര്യ കമ്പനിയിൽ മാനേജറായി ജോലി ചെയ്യുന്ന നന്ദുവിനെ നാട്ടിലെത്തിക്കാനുള്ള ശ്രമങ്ങൾ പോലീസ് ആരംഭിച്ചു കഴിഞ്ഞു. ഇത്തരം ക്രൂരതകൾ ഒരു കാരണവശാലും അംഗീകരിക്കാനാകില്ലെന്നും പ്രതിക്കെതിരെ കർശന നടപടിയുണ്ടാകുമെന്നും ബന്ധപ്പെട്ട മന്ത്രിമാരും അധികാരികളും ഉറപ്പുനൽകിയിട്ടുണ്ട്.