വാഴമുട്ടത്തെ ട്രാഫിക് സിഗ്നൽ അടിയന്തിരമായി പ്രവർത്തനയോഗ്യമാക്കണം: ധീവരസഭ……

നാഷണൽ ഹൈവേയും, സർവീസ് റോഡുകളുംനിരവധി സബ്ബ് റോഡുകളും വന്നുചേരുന്നതും ചരക്ക് വാഹനങ്ങളും, ടോറസ് ഉൾപ്പെടെ ആയിരക്കണക്കിന് വാഹനങ്ങൾ തലങ്ങും വിലങ്ങും സഞ്ചരിക്കുന്നതും, ആയിരക്കണക്കിന് കുട്ടികൾ പഠിക്കുന്ന വാഴമുട്ടം ഗവൺമെൻറ് ഹൈസ്കൂളിന് മുൻവശത്ത്‌ നാഷണൽ ഹൈവേയിൽ സ്ഥാപിച്ചിട്ടുളളതുമായ ട്രാഫിക് സിഗ്നൽ ലൈറ്റ് കണ്ണടച്ചിട്ട് മാസങ്ങളായിട്ടും ബന്ധപ്പെട്ടവർ കണ്ണുതുറക്കാത്ത അവസ്ഥയിലാണ്. നിത്യവും അറിയുന്നതും അറിയപ്പെടാത്തതുമായനിരവധി അപകടങ്ങൾ ഇവിടെ നടക്കുന്നു. അടിയന്തരമായി ട്രാഫിക് സിഗ്നൽ കത്തിയില്ലെങ്കിൽ വലിയ ദുരന്തത്തിന് സാക്ഷിയാകേണ്ടി വരുന്ന അവസ്ഥയിലാണ് നാട്ടുകാർ. ആയതിനാൽ എത്രയും വേഗം വാഴമുട്ടത്തെ ട്രാഫിക് സിഗ്നൽ കത്തിക്കുന്നതിന് ബന്ധപ്പെട്ടവർ തയാറാകണമെന്നും, അല്ലാത്തപക്ഷം നാട്ടുകാരെ സംഘടിപ്പിച്ച് ശക്തമായ സമരപരിപാടികൾക്ക് രൂപം നൽകുമെന്നും അഖില കേരള ധീവരസഭ തിരുവനന്തപുരം ജില്ലാ പ്രസിഡന്റ് പനത്തുറ പി. ബൈജു അറിയിച്ചു.