തിരുവനന്തപുരം : ദേശീയ മലയാള വേദിയും ഗ്ലോബൽ ആൻഡ് എഡ്യൂക്കേഷണൽ സൊസൈറ്റിയും സംയുക്തമായ സംഘടിപ്പിച്ച സലിൽ ചൗധരി ജന്മശതാബ്ദിയും, സത്യൻ – വാണിജയറാം ജന്മവാർഷിക അനുസ്മരണവും ചലച്ചിത്ര-സീരിയൽ താരം മായാ വിശ്വനാഥ് ഉദ്ഘാടനം ചെയ്തു. ദേശീയ മലയാള വേദി ദേശീയ പ്രസിഡന്റ് അഡ്വ. ഫസീഹാ റഹീം അധ്യക്ഷത വഹിച്ചു. സത്യൻ – സലിൽ ചൗധരി – വാണിജയറാം എന്നിവരുടെ ഗാനങ്ങൾ കോർത്തിണക്കി ചലച്ചിത്ര പിന്നണിഗായകരായ അലോഷ്യസ് പെരേരയും, രാധിക നായരും നയിച്ച സ്മൃതി ഗാന സന്ധ്യയിൽ മുപ്പതോളം ഗായകർ നാല്പതോളം ഗാനങ്ങൾ ആലപിച്ചു. കെ.ഡി.ഓ. ചെയർമാൻ നൗഷാദ് തോട്ടുംകര മുഖ്യപ്രഭാഷണം നടത്തി. ചലച്ചിത്ര സംവിധായകൻ ജോളിമസ്, ഫിലിം പി ആർ ഓ അജയ് തുണ്ടത്തിൽ, സംസ്ഥാന പ്രസിഡന്റ് മുജീബ് റഹ്മാൻ, സംഗീതസംവിധായകൻ അനിൽ ബാലകൃഷ്ണൻ, ചീഫ് കോ-ഓർഡിനേറ്റർ എം. എച്ച്. സുലൈമാൻ, വർക്കിംഗ് പ്രസിഡണ്ട് സതീഷ് കുമാർ, ട്രഷറർ എം.എസ്. ഗാലിഫ് തുടങ്ങിയവർ സംസാരിച്ചു. ജീവകാരുണ്യ പ്രവർത്തകൻ എസ്. വിനയചന്ദ്രൻ നായരെ ചടങ്ങിൽ ആദരിച്ചു. മികച്ച പ്രോഗ്രാം അവതാരകനുള്ള സലിൽ ചൗധരി സ്മാരക പുരസ്കാരം എം.എച്ച്. സുലൈമാൻ ഏറ്റുവാങ്ങി. വനിതാ വിഭാഗം കൺവീനർ യാസ്മിൻ സ്വാഗതവും, ദേശീയ മലയാള വേദി വനിതാ വിഭാഗം പ്രസിഡന്റ് ശോഭാകുമാർ കൃതജ്ഞതയും പറഞ്ഞു.
ദേശീയമലയാളവേദിയുടെ സത്യൻ-സലിൽ ചൗധരി-വാണി ജയറാം അനുസ്മരണം
