പരമൻ അന്നമനട ഫൗണ്ടേഷൻ്റെ 4-ാമത് സർഗ്ഗപ്രഭ പുരസ്കാരം പ്രശസ്ത ഗാനരചയിതാവും, സംഗീതജ്ഞനും, സംഗീത സംവിധായകനുമായ  കൈതപ്രം ദാമോദരൻ നമ്പൂതിരിക്ക്

മാള :പരമൻ അന്നമനട ഫൗണ്ടേഷൻ്റെ 4-ാമത് സർഗ്ഗപ്രഭ പുരസ്കാരം പ്രശസ്ത ഗാനരചയിതാവും, സംഗീതജ്ഞനും, സംഗീത സംവിധായകനുമായ  കൈതപ്രം ദാമോദരൻ നമ്പൂതിരിക്ക് സമ്മാനിക്കും. 26 തിങ്കളാഴ്ച വൈകീട്ട് 6 ന്കൊടുങ്ങല്ലൂർ എം.എൽ.എ. അഡ്വ. വി.ആർ. സുനിൽകുമാറിൻ്റെ അദ്ധ്യക്ഷതയിൽ  ചാലക്കുടി എം.പി.  ബെന്നി ബഹനാൻ ഉദ്ഘാടനവും പുരസ്ക്കാര സമർപ്പണവും നടത്തുന്നു. പ്രശസ്‌ത സംഗീത സംവിധായകൻ വിദ്യാധരൻ മാസ്റ്റർ മുഖ്യാതിഥിയായിരിക്കും.മുൻവർഷങ്ങളിൽ ശ്രീകുമാരൻ തമ്പി, പി. ജയചന്ദ്രൻ, വിദ്യാധരൻ മാസ്റ്റർ എന്നിവർക്കാണ് സർഗ്ഗപ്രഭ പുരസ്ക്കാരം ലഭിച്ചത്. സമ്മേളനത്തിന് മുൻപ് 3 മണിക്ക് അഖില കേരളാടിസ്ഥാനത്തിൽ നടത്തിയ ചലച്ചിത്ര ഗാനാലാപന മത്സരത്തിന്റെ മെഗാ ഫൈനൽ മത്സരവും സമ്മേളനത്തിനുശേഷം 7.30 ന് പ്രശസ്ത ഭരതനാട്യം നർത്തകി അമ്മു ഔസേപ്പച്ചൻ്റെ ഭരതനാട്യവും ഉണ്ടാകും.