ഇഫ്താർ സംഗമം സംഘടിപ്പിച്ചു

തിരുവനന്തപുരം : ദേശീയ മലയാളവേദിയും, ഗ്ലോബൽ ഹെൽത്ത് ആൻഡ് എഡ്യൂക്കേഷണൽ സൊസൈറ്റിയും സംയുക്തമായി തിരുവനന്തപുരം ഹൈലാൻഡ് ഹോട്ടൽ ഓഡിറ്റോറിയത്തിൽ സംഘടിപ്പിച്ച മതസൗഹാർദസമ്മേളനവും, ഇഫ്താർ സംഗമവും ജില്ലാ പഞ്ചായത്ത് പ്രസിഡന്റ് വി. പ്രിയദർശിനി ഉദ്ഘാടനം ചെയ്തു. കേരള മുസ്ലിം ജമാഅത്ത് ജനറൽ സെക്രട്ടറി അഡ്വ. എ. എം. കെ. നൗഫൽ അധ്യക്ഷത വഹിച്ചു. കേരള ചലച്ചിത്ര അക്കാദമി മുൻ ചെയർമാനും, ചലച്ചിത്ര നടനുമായ പ്രേംകുമാർ മുഖ്യാതിഥിയായിരുന്നു. ആർ.ജെ.ഡി. ദേശീയ ജനറൽ സെക്രട്ടറിയും, കെ. ഡി. ഓ. ചെയർമാനുമായ നൗഷാദ് തോട്ടിൻകര ആമുഖ പ്രഭാഷണം നടത്തി. സൈക്കോളജിക്കൽ കൗൺസിലർ കെ. പി. അഹമ്മദ് മൗലവി, സദ്ഗുരു അനിൽ അനന്ത ചൈതന്യ, ലൂഥറൻ സഭ മേജർ ആർച്ച് ബിഷപ്പ് റവ. ഫാ. ഡോ. റോബിൻസൺ ഡേവിഡ് ലൂഥർ എന്നിവർ റമളാൻ മത സൗഹാർദ്ദ സന്ദേശം നൽകി. തുടർന്ന് റംസാൻ ഭക്ഷ്യക്കിറ്റ് വിതരണം നടന്നു. ഗ്ലോബൽ ഹെൽത്ത് ആൻഡ് ഇഡ്യൂക്കേഷണൽ സൊസൈറ്റി സംസ്ഥാന പ്രസിഡന്റ് ഡോ. ഗീതാ ഷാനവാസ് സ്വാഗതവും, ദേശീയമലയാളവേദി സംസ്ഥാന പ്രസിഡന്റ് മുജീബ് റഹ്മാൻ കൃതജ്ഞതയും പറഞ്ഞു. അനശ്വര കവിയും, ഗാന രചയിതാവുമായ പൂവച്ചൽ ഖാദറിന്റെ പേരിൽ നടന്ന ഫലവൃക്ഷത്തെ സമർപ്പണം പൂവച്ചൽ ഖാദറിന്റെ മകൾ തുഷാരയ്ക്ക് നൽകി ജില്ലാ പഞ്ചായത്ത് പ്രസിഡന്റ്‌ നിർവഹിച്ചു. വിവിധ മേഖലകളിൽ മികവ് തെളിയിച്ച വ്യക്തികളെ ചടങ്ങിൽ ആദരിച്ചു. കോർപ്പറേഷൻ കൗൺസിലർ വൈഷ്ണ സുരേഷ്, ചലച്ചിത്ര സംവിധായകൻ ജോളിമസ്, അഡ്വ. ഫസീഹാ റഹീം, ഡോ. നിസാമുദ്ദീൻ, ഡോ ഷാനവാസ്, എം. എച്ച്. സുലൈമാൻ, എസ്. വിനയചന്ദ്രൻ നായർ, ബി. പ്രഭാകരൻ, ഷംസ് ആബ്ദീൻ, ദൗലത്ത് ഷാ, സോണിജോൺ, യാസ്മിൻ. എസ്., അനിൽ ബാലകൃഷ്ണൻ, എം.എസ്. ഗാലിഫ് തുടങ്ങിയവർ സംസാരിച്ചു.