കോട്ടയം: മീനച്ചിലാറ്റിലും, കൊടുരാറ്റിലും നീര്‍നായ ശല്യം രൂക്ഷം. സമീപ ദിവസങ്ങളിൽ നിരവധി പേർക്കാണ് കടിയേറ്റത്.ഇതോടെ ജനങ്ങള്‍ക്ക് നദികളിലും തോടുകളിലും ഇറങ്ങാന്‍ പേടിയായ അവസ്ഥയുണ്ട്. കുമരകത്തും നീര്‍നായ കടിച്ച് പരുക്കേറ്റ സംഭവം ഉണ്ടായി. കുമരകം കണ്ണാടിച്ചാല്‍ ദേവനാരായണനാണ് (11) നീര്‍നായയുടെ കടിയേറ്റത്.ഇന്നലെ വൈകുന്നേരത്തോടെ ആയിരുന്നു സംഭവം ഉണ്ടായത്. കൂട്ടുകാരുമൊത്ത് ബോട്ട് ജെട്ടി സെന്റ് പീറ്റേഴ്‌സ് സ്‌കൂളിനു സമീപമുള്ള കുളിക്കടവില്‍ കുളിക്കുന്നതിനിടെ ആയിരുന്നു ദേവനാരായണനെ നീര്‍നായ കടിച്ചത്.നീര്‍നായയുടെ കടിയില്‍ പരുക്കേറ്റ വിദ്യാര്‍ത്ഥിയെ ഉടന്‍ തന്നെ കൂടെ ഉണ്ടായിരുന്ന കൂട്ടുകാര്‍ കുമരകം പ്രാഥമിക ആര്യോഗ്യ കേന്ദ്രത്തില്‍ എത്തിച്ചു.
മീനച്ചിലാറ്റിലും, കൊടുരാറ്റിലും നീര്‍നായ ശല്യം രൂക്ഷം; വലഞ്ഞ് ജനം
