ലോകകപ്പ് ബിഗ് സ്ക്രീൻ പ്രദർശനം:നഗരസഭ നേരിട്ട് നടത്തണമെന്ന് കോൺഗ്രസ്‌

​ഗുരുവായൂർ: ലോകകപ്പ് ഫുട്ബോൾ മത്സരങ്ങൾ ഗുരുവായൂർ നഗരസഭയുടെ നേതൃത്വത്തിൽ ഇന്ദിരാഗാന്ധി ടൗൺഹാളിൽ ബിഗ് സ്ക്രീനിൽ നേരിട്ട് പ്രദർശിപ്പിക്കാൻ നടപടി സ്വീകരിക്കണമെന്ന് ഡി.സി.സി.അംഗം ഒ.കെ.ആർ. മണികണ്ഠൻ ആവശ്യപ്പെട്ടു. ഫുട്ബോൾ പ്രേമികളുടെ വലിയ ആവേശമായ ലോകകപ്പ് മത്സരങ്ങൾ ബിഗ് സ്ക്രീനിൽ കാണാനുള്ള അവസരം ഇല്ലാതാക്കരുത്.​ഇതുമായി ബന്ധപ്പെട്ട് മറ്റിടങ്ങളിൽ വിവാദങ്ങൾ നിലനിൽക്കുന്ന പശ്ചാത്തലത്തിൽ, വിവിധ യുവജന കൂട്ടായ്മകളെയും യുവജന പ്രസ്ഥാനങ്ങളെയും ഉൾപ്പെടുത്തി നഗരസഭ അടിയന്തിര യോഗം വിളിച്ചു ചേർക്കണം.എല്ലാവരെയും ഒരുമിച്ച് നിർത്തിക്കൊണ്ട് പ്രദർശനം ഭംഗിയായി നടത്താനുള്ള നടപടികളാണ് നഗരസഭ സ്വീകരിക്കേണ്ടത്.​നഗരസഭ ചെയർപേഴ്സൺ പിൻസീറ്റ് ഡ്രൈവിംഗ് നടത്തുന്നവരുടെ വാക്കുകൾക്ക് കാതോർക്കരുത്. അനാവശ്യ ഇടപെടലുകളിൽ വീണുപോകാതെ, ധൈര്യപൂർവ്വം മുന്നോട്ട് വന്ന് ടൗൺഹാളിലെ ബിഗ് സ്ക്രീൻ പ്രദർശനം വിജയകരമാക്കാൻ ചെയർപേഴ്സൺ തയ്യാറാകണമെന്നുംഒ.കെ.ആർ. മണികണ്ഠൻ ആവശ്യപ്പെട്ടു.