കോട്ടയം: വിനോദയാത്ര പോയ സ്കൂള് വിദ്യാര്ഥികള് സഞ്ചരിച്ച ബസ് മറിഞ്ഞ് അപകടം. തിരുവനന്തപുരം തോന്നയ്ക്കല് ഗവ.എച്ച്എസ്എസ് സ്കൂളിലെ വിദ്യാര്ഥികളും അധ്യാപകരും സഞ്ചരിച്ച ബസാണ് അപകടത്തില്പ്പെട്ടത്. പരിക്കേറ്റ വിദ്യാര്ഥികളെയും അധ്യാപകരെയും പാല ഗവണ്മെന്റ് ആശുപത്രിയില് പ്രവേശിപ്പിച്ചുണ്ട്. പാലാ തൊടുപുഴ റോഡില് നെല്ലാപ്പാറയ്ക്ക് സമീപം ചൂരപ്പട്ട വളവിലാണ് അപകടം ഉണ്ടായത്. വിനോദയാത്ര സംഘത്തിലെ മൂന്നു ബസുകളില് ഒരെണ്ണമാണ് അപകടത്തില്പ്പെട്ടത്. ബസില് 45 ഓളം കുട്ടികളും അധ്യാപകരും ഉണ്ടായിരുന്നു. വളവുതിരിഞ്ഞതോടെ ബസിന്റെ നിയന്ത്രണം നഷ്ടപ്പെട്ടതാണ് അപകടത്തിന് കാരണം.
സ്കൂള് വിദ്യാര്ഥികളുമായി വിനോദയാത്ര പോയ ബസ് മറിഞ്ഞ് അപകടം
