തിരുവനന്തപുരം: സപ്ലൈകോയിലെ സബ്സിഡി സാധനങ്ങളുടെ വില കൂട്ടാൻ എല്ഡിഎഫ് യോഗത്തില് തീരുമാനം.ഇക്കാര്യത്തില് തീരുമാനമെടുക്കാൻ ഭക്ഷ്യമന്ത്രിയെ എല്ഡിഎഫ് ചുമതലപ്പെടുത്തി.ഏഴ് വര്ഷത്തിനുശേഷമാണ് സപ്ലൈകോയിലെ വിലവര്ധന. തുവര പരിപ്പ്, മുളക്, മല്ലി, പഞ്ചസാര, വെളിച്ചെണ്ണ, ജയ അരി, കുറുവ അരി, മട്ട അരി, പച്ചരി, ചെറുപയര്, വൻപയര്, ഉഴുന്ന്, കടല എന്നിങ്ങനെ 13 ഇനങ്ങളുടെ വിലയാണ് കൂട്ടുന്നത്.
വിപണിയില് ഇടപെട്ടതിന്റെ പേരില് സപ്ലൈകോയ്ക്ക് സര്ക്കാര് നല്കാനുള്ള കുടിശിക 1,525 കോടി രൂപയാണ്. ഒന്നുകില് കുടിശിക നല്കുക അല്ലെങ്കില് വില കൂട്ടുകയെന്നതാണ് സപ്ലൈകോ മുന്നോട്ടുവച്ച ആവശ്യം.