മെഡിസെപ്പ് രണ്ടാംഘട്ട പദ്ധതിയിൽ തിരിച്ചുവന്ന പ്രവാസികളെയും ഉൾപ്പെടുത്തണം ഹനീഫ മൂന്നിയൂർ

തിരുവനന്തപുരം :സർക്കാർ ജീവനക്കാർക്കും പെൻഷൻകാർക്കും നടപ്പിലാക്കുന്ന മെഡിക്കൽ ഇൻഷുറൻസ് (മെഡിസെപ് ) പദ്ധതിയുടെ രണ്ടാം ഘട്ടത്തിൽ തിരിച്ചുവന്ന പ്രവാസികളെയും ഉൾപ്പെടുത്തണമെന്ന് പ്രവാസി ലീഗ് സംസ്ഥാന പ്രസിഡണ്ട് ഹനീഫ മൂന്നിയൂർ ആവശ്യപ്പെട്ടു. പൊതുമേഖലാ സ്ഥാപനങ്ങളിലെയും സഹകരണ മേഖല അടക്കമുള്ള വിവിധ സ്ഥാപനങ്ങളിലെയും ജീവനക്കാർക്കും പെൻഷൻകാർക്കും ഇവ രണ്ടാംഘട്ടമായി നടപ്പിലാക്കാൻ സർക്കാർ നിശ്ചയിച്ചിട്ടുണ്ട്. എന്നാൽ ഈ ഗണത്തിൽ തിരിച്ചുവന്ന പ്രവാസികൾ ഉൾപ്പെടുന്നില്ല കേരളത്തിൽ തിരിച്ചുവന്ന പ്രവാസികൾ പതിനഞ്ച് ലക്ഷത്തിൽ അധികമാണ്. അവരുടെ ആരോഗ്യ സംരക്ഷണത്തിന് കാര്യമായ പദ്ധതികളൊന്നും നിലവിലില്ല. നോർക്ക നടപ്പിലാക്കുന്ന ആരോഗ്യ കെയർ ഇൻഷുറൻസ് പദ്ധതിയിലും തിരിച്ചുവന്ന പ്രവാസികളോ അവരുടെ കുടുംബങ്ങളോ ഉൾപ്പെട്ടിട്ടില്ല . അതുകൊണ്ട് ഈ പദ്ധതിയിൽ തിരിച്ചുവന്ന പ്രവാസികളെ കൂടി ഉൾപ്പെടുതാൻ അടിയന്തിര ഇടപെടൽ ഉണ്ടാകമെന്ന് അദ്ദേഹം ആവശ്യപെട്ടു. .ഈ ആവശ്യം പ്രവാസി ലീഗ് നേരത്തെ ഉന്നയിച്ചതാണ് .ഇത് സംബന്ധിച്ച് മുഖ്യമന്ത്രി അടക്കമുള്ളവർക്ക് നിവേദനം സമർപ്പിച്ചിട്ടുണ്ടെന്ന് ഹനീഫ മൂന്നിയൂർ അറിയിച്ചു.