ചെന്നൈയിൽ 15 കാരിയെ മദ്യം നൽകി പീഡിപ്പിച്ച പ്രതി അറസ്റ്റിൽ

ചെന്നൈ പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച കേസിൽ യുവാവിനെ പോക്സോ നിയമപ്രകാരം അറസ്റ്റ് ചെയ്തു. 15 കാരിയെ മദ്യം നൽകി ലൈംഗികമായി പീഡിപ്പിച്ച കേസിൽ വ്യാസർപാടി സ്വദേശിയായ മണികണ്ഠൻ(26)നേ ആണ് എം കെ ബി നഗർ വനിതാ പോലീസ് അറസ്റ്റ് ചെയ്തത്. വ്യാസർ പാടിയിലെ മുത്തശ്ശിയുടെ വീട്ടിൽ താമസിക്കുകയായിരുന്ന പെൺകുട്ടിയെ വെള്ളിയാഴ്ച വൈകിട്ട് ബോധരഹിതയായി കാണപ്പെട്ടതിനെ തുടർന്ന് വൈദ്യ പരിശോധനയിൽ കുട്ടി മദ്യപിച്ചതായി കണ്ടെത്തിയിരുന്നു. തുടർന്ന് പെൺകുട്ടിയോട് വിവരങ്ങൾ തിരക്കിയപ്പോളാണ് സമീപവാസിയായ യുവാവ് മദ്യം നൽകി ബോധരഹിതയാക്കിയ ശേഷം പീഡിപ്പിച്ച വിവരം പറഞ്ഞത്. ഇതോടെ ആശുപത്രി അധികൃതർ പോലീസിൽ അറിയിക്കുകയായിരുന്നു. യുവാവിനെ ചോദ്യം ചെയ്തപ്പോൾ കഴിഞ്ഞ ഒന്നരവർഷമായി പെൺകുട്ടിയുമായി സഹഹൃദത്തിൽ ആയിരുന്നുവെന്നും പെൺകുട്ടിയെ വീട്ടിലേക്ക് കൊണ്ടുപോയി മദ്യം നൽകി ശേഷം ലൈംഗികമായി പീഡിപ്പിച്ചു എന്നും പ്രതിമൊഴി നൽകി. ഇയാളെ കോടതിയിൽ ഹാജരാക്കി,റിമാൻഡ് ചെയ്തു.