ഓണത്തിന് കുടിശ്ശിക അടക്കം രണ്ടു മാസത്തെ പെൻഷൻ;ക്ഷേമപെൻഷൻകാർക്ക് ഓണസമ്മാനം

തിരുവനന്തപുരം :സാമൂഹ്യ സുരക്ഷാ ക്ഷേമനിധി പെൻഷൻ ഗുണഭോക്താക്കൾക്ക് സർക്കാരിൻറെ ഓണസമാനമായി രണ്ട് ഗഡു ക്ഷേമപെൻഷൻ ലഭിക്കും. ഇതിനായി 1679 കോടി അനുവദിച്ചതായി ധനകാര്യ മന്ത്രി കെ എൻ ബാലഗോപാൽ അറിയിച്ചു. 62 ലക്ഷത്തോളം പേർക്കാണ് ഓണത്തിന് 3200 രൂപ വീതം ലഭിക്കുന്നത് .ഓഗസ്റ്റിലെ പെൻഷൻ പുറമേ ഒരു കുടിശിക കൂടിയാണ് അനുവദിച്ചത് .ശനിയാഴ്ച മുതൽ ഇത് ഗുണഭോതാക്കൾക്ക് ലഭിച്ചു തുടങ്ങും. 26.62 ലക്ഷം പേരുടെ ബാങ്ക് അക്കൗണ്ടിൽ തുകയെത്തും .മറ്റുള്ളവർക്ക് സഹകരണ ബാങ്കുകൾ വഴി വീട്ടിൽ എത്തി പെൻഷൻ കൈമാറും.