കണ്ണൂർ: റെയിൽപാളത്തിൽ കരിങ്കൽ ചീളുകൾ വച്ച സ്കൂൾ വിദ്യാർത്ഥികൾ പിടിയിൽ. പ്ളസ് വൺ, പ്ളസ് ടു വിദ്യാർത്ഥികളായ അഞ്ചുപേരെയാണ് സംഭവത്തിൽ ആർ.പി.എഫ് പിടികൂടിയിട്ടുള്ളത്. കണ്ണൂരിനും വളപട്ടണത്തിനും ഇടയിൽ പന്നേൻപാറക്കടുത്തായി ഇന്നലെ ഉച്ചയ്ക്ക് 12.30ഓടെ വന്ദേഭാരത് ട്രെയിൻ കടന്നുപോകുന്നതിനിടെയാണ് ട്രാക്കിൽ കരിങ്കൽ ചീളുകൾ സ്ഥാപിക്കുന്നത് ലോക്കോപൈലറ്റിന്റെ ശ്രദ്ധയിൽപെട്ടത്. തുടർന്ന് ട്രെയിൻ ഇതിന് മുകളിലൂടെ കടന്നുപോവുകയും ചെയ്തു. എന്നാൽ കൃത്യ സമയത്ത് ലോക്കോപൈലറ്റ് ആർ.പി.എഫിനെ വിവരമറിയിക്കുകയായിരുന്നു. ആർ.പി.എഫ് സംഭവ സ്ഥലത്തെത്തിയപ്പോൾ പാളത്തിന്റെ പരിസരത്തായി വിദ്യാർത്ഥികളുണ്ടായിരുന്നു. ഇവരെ ചോദ്യം ചെയ്തപ്പോൾ വിദ്യാർത്ഥികൾ കുറ്റസമ്മതം നടത്തുകയായിരുന്നു.
റെയിൽപാളത്തിൽ കരിങ്കൽ ചീളുകൾ വച്ച സ്കൂൾ വിദ്യാർത്ഥികൾ പിടിയിൽ
