ഫാം ഫെസ്റ്റ് : സംഘാടകസമിതി രൂപീകരിച്ചു

കോട്ടയം: ജില്ലാ പഞ്ചായത്തിന്റെ നേതൃത്വത്തിൽ സെപ്റ്റംബർ 26 മുതൽ 30 വരെ കോഴായിലെ ജില്ലാ കൃഷിത്തോട്ടത്തിൽ വച്ച് നടത്തുന്ന ഫാം ഫെസ്റ്റിന്റെ നടത്തിപ്പുമായി ബന്ധപ്പെട്ട് സംഘാടക സമിതി രൂപീകരിച്ചു. എം.പിമാരായ ജോസ് കെ.മാണി, ഫ്രാൻസിസ് ജോർജ്, എം.എൽ.എ മാരായ സി.കെ ആശ, മോൻസ് ജോസഫ് എന്നിവർ രക്ഷാധികാരികളായും ജില്ലാ പഞ്ചായത്ത് പ്രസിഡന്റ് ഹേമലത പ്രേംസാഗർ ചെയർപേഴ്സണായും ജില്ലാ പഞ്ചായത്ത് വൈസ് പ്രസിഡന്റ് ജോസ് പുത്തൻകാല വൈസ് ചെയർമാനായും കോഴാ ജില്ലാ കൃഷിത്തോട്ടം ഫാം സൂപ്രണ്ട് ഹണി ലിസ ചാക്കോ ജനറൽ കൺവീനർ ആയും ആണ് സമിതി. കുറവിലങ്ങാട് ഗ്രാമപഞ്ചായത്ത് പ്രസിഡന്റ് മിനി മത്തായി, ഉഴവൂർ ഗ്രാമപഞ്ചായത്ത് പ്രസിഡന്റ് കെ.എം. തങ്കച്ചൻ, കടപ്ലാമറ്റം ഗ്രാമപഞ്ചായത്ത് പ്രസിഡന്റ് മത്തായി മാത്യു, മാഞ്ഞൂർ ഗ്രാമപഞ്ചായത്ത് പ്രസിഡന്റ് കോമളവല്ലി രവീന്ദ്രൻ, വെളിയന്നൂർ ഗ്രാമപഞ്ചായത്ത് പ്രസിഡന്റ് സജേഷ് ശശി, കാണക്കാരി ഗ്രാമപഞ്ചായത്ത് പ്രസിഡന്റ് അംബിക സുകുമാരൻ, മരങ്ങാട്ടുപിള്ളി ഗ്രാമപഞ്ചായത്ത് പ്രസിഡന്റ് ബെൽജി ഇമ്മാനുവൽ, കോട്ടയം ജില്ലാ പഞ്ചായത്ത് സെക്രട്ടറി പി.എസ.് ഷിനോ, കൃഷി അസിസ്റ്റന്റ് ഡയറക്ടർ യമുന ജോസ്, അക്കൗണ്ട്സ് ഓഫീസർ പ്രീതി പി. പിള്ള, അഡ്മിനിസ്ട്രേറ്റീവ് അസിസ്റ്റന്റ് രജി പി. മാത്യു എന്നിവർ കമ്മിറ്റി അംഗങ്ങളാകും.പരിപാടിയുടെ നടത്തിപ്പുമായി ബന്ധപ്പെട്ട് മോണിറ്ററിങ് കമ്മറ്റി, പ്രോഗ്രാം കമ്മിറ്റി, സെമിനാർ കമ്മിറ്റി,എക്സിബിഷൻ കമ്മിറ്റി എന്നിവയും രൂപീകരിച്ചു.