ജനാധിപത്യം സംരക്ഷിക്കാൻ ഡൽഹി തെരുവുകളിൽ പോരാടുന്ന ഇന്ത്യൻ ജനതക്ക് ഐക്യദാർഢ്യം പ്രഖ്യാപിച്ച് കെടാമംഗലം പപ്പുക്കുട്ടി മെമ്മോറിയൽ ലൈബ്രറിയുടെ നേതൃത്വത്തിൽ ഇ എം എസ് സാംസ്‌കാരിക പഠനകേന്ദ്രം ഏഴിക്കര ക്ലസ്റ്ററും ശാസ്ത്ര സാഹിത്യ പരിഷത്ത് കെടാമംഗലം യൂണിറ്റും സംയുക്തമായി സംഘടിപ്പിച്ച ഐക്യദാർഢ്യസദസ്സ് എഴുത്താൾ അപർണ ആരുഷി ഉദ്ഘാടനം ചെയ്തു.പറവൂർ നഗരസഭ പ്രതിപക്ഷ കക്ഷി നേതാവ് സി എ രാജീവ് അദ്ധ്യക്ഷത വഹിച്ചു.തുടർന്ന് ബാലസാഹിത്യകാരൻ എ കെ ജോഷി,പറവൂർ നഗരസഭ മുൻ കൗൺസിലർ സി പി ജയൻ,പറവൂർ നഗരസഭ ഗ്രന്ഥശാലനേതൃസമിതി കൺവീനർ എം എസ് രാജേഷ്,യുക്തിവാദി സംഘം പ്രവർത്തകൻ ടി എസ് സുരേന്ദ്രൻ,കെ കെ ഷിബുകുമാർ,കെ എസ് ഗിരീഷ്, ലൈബ്രറി പ്രസിഡൻ്റ്പി പി സുകുമാരൻ തുടങ്ങിയവർ സംസാരിച്ചു.
ഡൽഹി ബഹുജന പ്രക്ഷോഭത്തിന് ഐക്യദാർഢ്യം.
