ഹരിതകേരളം മിഷൻ: ഫോട്ടോഗ്രാഫി,റീൽസ് മത്സരം

കോട്ടയം: ദേശീയ പരിസ്ഥിതി സമ്മേളനത്തോടനുബന്ധിച്ച് ഹരിത കേരളം മിഷൻ ഫോട്ടോഗ്രാഫി, റീൽസ് മത്സരങ്ങൾ സംഘടിപ്പിക്കുന്നു. ഹരിതകേരളം, വെള്ളം, വൃത്തി, വിളവ് എന്ന വിഷയത്തിൽ കേരളത്തിലെ പരിസ്ഥിതി പുനസ്ഥാപനം മുൻനിർത്തി ഹരിതസമൃദ്ധിയുടെ വീണ്ടെടുപ്പ് ലക്ഷ്യമിട്ടുള്ള പ്രവർത്തനങ്ങളുടെ നേർക്കാഴ്ച നൽകുന്ന ഫോട്ടോകളും റീലുകളാണ് മത്സരത്തിന് അയക്കേണ്ടത്. ക്യാമറയിലും മൊബൈൽ ഫോണിലും പകർത്തിയിട്ടുള്ള ചിത്രങ്ങളും റീലുകളും മത്സരത്തിന് അയക്കാം. എൻട്രികൾക്കൊപ്പം ഹ്രസ്വവിവരണവും ഉൾപ്പെടുത്തണം. വിജയികൾക്ക് കാഷ്‌പ്രൈസ് അടക്കമുള്ള സമ്മാനങ്ങൾ. ഫെബ്രുവരി 17 വരെ ഓൺലൈനായി എൻട്രികൾ സമർപ്പിക്കാം. വിശദവിവരങ്ങൾക്കു ഫോൺ:9447587632. വെബ്‌സൈറ്റ്:www.haritham.kerala.gov.in