തലയോലപ്പറമ്പ് :നല്ല ആരോഗ്യം ഓരോ മനുഷ്യന്റെയും അവകാശമായി കാണാനും, സാമൂഹിക ആരോഗ്യത്തിനായി കൈകോർക്കാനും ലക്ഷ്യമിട്ട് തലയോലപ്പറമ്പ് സെന്റ് ജോർജ് പള്ളിയിൽ 26 മുതൽ 28വരെ വൈകിട്ട് 6മുതൽ 8വരെ സമഗ്ര ആരോഗ്യ സംരക്ഷണ ത്രിദിന സെമിനാർ നടത്തും.യുവാക്കളുടെ കുഴഞ്ഞു വീണു മരണം,അർബുദ, കിഡ്നി,കരൾ,നാഡി രോഗങ്ങളുടെ വർധന എന്നിവ പുതു തലമുറയുടെ ആരോഗ്യം ഹാനികരമാക്കുന്ന ഗുരുതര സാഹചര്യത്തിലാണ് ഈ സെമിനാർ സംഘടിപ്പിക്കുന്നത്.പി. യു. തോമസ് നേതൃത്വം നൽകുന്ന കോട്ടയം നവജീവൻ ട്രസ്റ്റും തലയോലപ്പറമ്പ് സെന്റ് വിൻസെന്റ് ഡി പോൾ സൊസൈറ്റിയും ചേർന്ന് സംഘടിപ്പിക്കുന്ന സെമിനാർ കോട്ടയം ഗവ. മെഡിക്കൽ കോളേജിലെ പ്രൊഫസർമാരായ ഡോ. വിനീത ജോസ്, ഡോ. സിറിൽ ജേക്കബ്, ഡോ. സെബാസ്റ്റ്യൻ മലയിൽ എന്നിവർ നയിക്കും. പി യു തോമസ് അനുഗ്രഹ പ്രഭാഷണം നടത്തും. തലയോലപ്പറമ്പ് സെന്റ് ജോർജ് പള്ളി വികാരി ഫാ. ഡോ. ബെന്നി ജോൺ മാരാംപറമ്പിൽ ഉദ്ഘാടനം ചെയ്യും.15 വയസിനു മുകളിൽ പ്രായമുള്ള എല്ലാവർക്കും ജാതി മത ഭേദമന്യേ ക്ലാസ്സിൽ പങ്കെടുക്കാം.കൈക്കാരന്മാരായ റിൻസൻ പന്നിക്കോട്ടിൽ, തങ്കച്ചൻ കളമ്പുകാട്ട്, സഹവികാരി ഫാ. ആൽജോ കളപ്പുരക്കൽ,കേന്ദ്ര സമിതി വൈസ് ചെയർ മാൻ ഇമ്മാനുവേൽ അരയത്തേൽ,ജോയ് ജോൺ നടുവിലെകുറിച്ചി, തോമസ് മാത്യു പാലച്ചുവട്ടിൽ എന്നിവർ പരിപാടികൾക്ക് നേതൃത്വം നൽകും.
Related Posts
സംസ്ഥാനത്ത് പകർച്ചവ്യാധികൾ കൂടുന്നു: പകർച്ചപ്പനി ബാധിച്ച് ഇന്നലെ ചികിത്സ തേടിയത് 13,025 പേർ
തിരുവനന്തപുരം:സംസ്ഥാനത്ത് പകർച്ചവ്യാധി പടരുന്നു. പകർച്ചപ്പനി ബാധിച്ച് 13,025 പേരാണ് ഇന്നലെ ആശുപത്രികളിൽ ചികിത്സ തേടിയത്. ഇന്നലെ മാത്രം നാലുപേർക്കാണ് ഷിഗെല്ല സ്ഥിരീകരിച്ചത്. ഒരു ഡെങ്കിപ്പനി മരണവും ഒരു…
കടുത്തുരുത്തി: കടുത്തുരുത്തി മാന്നാറിൽ ശ്രീനാരായണ ഗുരുദേവന്റെ നാമത്തിൽ പടുത്തുയർത്തിയ ശ്രീനാരായണ പഠനകേന്ദ്രം നാടിന്റെ മുഖശ്രീയായി. എസ്.എൻ.ഡി.പി യോഗം കടുത്തുരുത്തി യൂണിയനിലെ 2485ാം നമ്പർ മാന്നാർ ശാഖായോഗം പണികഴിപ്പിച്ചതാണ്…
രണ്ടേകാല് കോടിയോളം ജിഎസ്ടിയും മൂന്നേകാല് കോടിയോളം ആദായ നികുതിയും കെട്ടാനുണ്ട്;അമ്മയിലെ പ്രശ്നങ്ങളെക്കുറിച്ച് തുറന്നു പറഞ്ഞ് ദേവന്
അമ്മയുടെ ഭരണത്തില് പിടിപ്പുകേട് ഉണ്ടായിട്ടുണ്ടെന്ന് ദേവന്. ഒരു അഭിമുഖത്തില് സംസാരിക്കുകയായിരുന്നു അദ്ദേഹം.”കുറച്ചു കാലങ്ങളായിട്ട് അമ്മയുമായി ഞാന് വലിയ ബന്ധമില്ലാതെയിരിക്കുകായിരുന്നു. കാരണം മോഹന്ലാലൊക്കെയുണ്ട്, നല്ല രീതിയില് പോയിക്കൊണ്ടിരിക്കുന്ന ഒരു…