മലയാളി വിദ്യാർഥികളെ ഡൽഹിയിൽ അക്രമികളും പോലീസുകാരും ചേർന്ന് ക്രൂരമായി മർദ്ദിച്ചതായി പരാതി. മോഷണ കുറ്റം ആരോപിച്ചായിരുന്നു മർദ്ദനമെങ്കിലും ഹിന്ദിയിൽ സംസാരിക്കാതെ ഇംഗ്ലീഷിൽ സംസാരിച്ചതിന്റെ പേരിൽ തല്ലി ചതച്ചതും മുഖത്തു ചവിട്ടിയതായും വിദ്യാർത്ഥികൾ പറഞ്ഞു. സാക്കിർ ഹുസൈൻ ഡൽഹി കോളേജിലെ ഒന്നാം വർഷ പൊളിറ്റിക്കൽ സയൻസ് വിദ്യാർത്ഥികൾ ആയ കോഴിക്കോട് സ്വദേശി അശ്വന്ത്, കാസർകോഡ് സ്വദേശി സുധിൻ എന്നിവർക്കാണ് മർദ്ദനമേറ്റത്. ബുധനാഴ്ച രാത്രി ചെങ്കോട്ടയ്ക്ക് സമീപമുള്ള മാർക്കറ്റിൽ ആണ് സംഭവം. രാത്രി 7 മണിയുടെ മൊബൈൽ ഫോണും വാച്ചും വിൽക്കാൻ എന്ന പേരിൽ ഒരാൾ ഇവരുടെ അടുത്തെത്തുകയും വേണ്ടെന്നു പറഞ്ഞു വിദ്യാർഥികൾ മടക്കി അയച്ചെങ്കിലും അൽപസമയം കഴിഞ്ഞ് ഇയാൾ ആറംഗ സംഘവുമായി മടങ്ങിയെത്തി ഫോൺ മോഷ്ടിച്ചെന്ന് ആരോപിച്ച് വിദ്യാർത്ഥികളെ മർദ്ദിക്കുകയായിരുന്നു. സ്ഥലത്തുണ്ടായിരുന്ന പോലീസുകാരനോട് പരാതിപ്പെട്ടപ്പോൾ അയാളും അക്രമികളുടെ കൂടെ ചേർന്ന് ക്രൂരമായി തല്ലുകയായിരുന്നു. അടുത്തുള്ള പോലീസ് സ്റ്റേഷനിൽ എത്തി ഉദ്യോഗസ്ഥരോട് സംഭവം വിശദീകരിക്കാൻ ശ്രമിച്ചെങ്കിലും കേൾക്കാൻ അവർ കൂട്ടാക്കിയില്ലെന്നും വിദ്യാർത്ഥികൾ പറയുന്നു.ഹിന്ദി സംസാരിക്കാൻ നല്ല വശമില്ലാത്തതിനാൽ ഇംഗ്ലീഷിൽ സംസാരിച്ച് കാര്യങ്ങൾ മനസ്സിലാക്കാൻ ശ്രമിച്ചപ്പോൾ പോലീസുകാർ കൂടുതൽ മർദ്ദിക്കുകയായിരുന്നു. ലോ കോളജിലെ മുതിർന്ന വിദ്യാർത്ഥികൾ എത്തി പോലീസുമായി സംസാരിച്ച ശേഷമാണ് വിദ്യാർത്ഥികളെ മോചിപ്പിച്ചത്. വിദ്യാർത്ഥികൾ ഡൽഹി പോലീസ് കമ്മീഷണർക്കും ദേശീയ മനുഷ്യാവ മനുഷ്യാവകാശ കമ്മീഷനും പരാതി നൽകിയിട്ടുണ്ട്.
Related Posts
ആലിൻ ഷെറിന് പ്രണാമമായി ഓർമ്മചെപ്പ് സമർപ്പിച്ചു
തിരു:ദു:ഖം തളംകെട്ടി നിൽക്കുന്ന മല്ലപ്പള്ളി ആലിൻ ഭവനം. ചെറിയ കുസൃതികളുമായി അമ്മയുടെ ഒക്കത്തിരുന്ന് എല്ലാ പേരെയും കുന്നു ങ്ങി ചിരിപ്പിച്ചിരുന്ന 9 മാസം പ്രായമായ ആലിൻ. സന്തോഷത്തിൻ്റെ…
റിയാദ്-ദോഹ അതിവേഗ ഇലക്ട്രിക് ട്രെയിൻ പദ്ധതിയിൽ ഒപ്പുവെച്ച് സൗദിയും ഖത്തറും
ദോഹ: റിയാദ്-ദോഹ നഗരങ്ങളെ ബന്ധിപ്പിക്കുന്ന അതിവേഗ ഇലക്ട്രിക് ട്രെയിൻ പദ്ധതിയിൽ ഒപ്പുവെച്ച് സൗദിയും ഖത്തറും. റിയാദിൽ നടന്ന സൗദി കിരീടാവകാശി- ഖത്തർ അമീർ കൂടിക്കാഴ്ചയിലാണ് ധാരണയായത്. ദമ്മാം,…
വനിതാ രത്ന പുരസ്ക്കാരംസോന നായർക്ക് സമർപ്പിച്ചു
തിരു: ലോക വനിതാ ദിനത്തോടനുബന്ധിച്ച് പ്രേംനസീർ സുഹൃത് സമിതി വനിതാ വിംഗിൻ്റെ പ്രേംനസീർ വനിതാ രത്ന പുരസ്ക്കാരം ചലച്ചിത്രനടി സോനാ നായർക്ക് ചലച്ചിത്ര അക്കാദമി മുൻ ചെയർമാൻ…