തിരുവനന്തപുരം:നിയന്ത്രണം വിട്ട ബൈക്ക് ഭിത്തിയിലിടിച്ച് സർവ്വീസ് റോഡിലേക്ക് വീണ് യുവാവിന് ദാരുണാന്ത്യം. കഴക്കൂട്ടം – കാരോട് ബൈപ്പാസിലാണ് അപകടമുണ്ടായത്. ബൈക്ക് നിയന്ത്രണം വിട്ട് ഭിത്തിയിലിടിച്ച് 40 അടി താഴെയുളള സർവ്വീസ് റോഡിലേക്ക് വീണതോടെയാണ് ബൈക്ക് യാത്രികൻ മരിച്ചത്. കോട്ടുകാൽ ചരുവിള പുത്തൻ വീട്ടിൽ ജി മഹേഷാണ് ( 23) മരിച്ചത്. നിർമ്മാണ തൊഴിലാളിയാണ് മരിച്ച മഹേഷ്.
മുക്കോല കല്ലുവെട്ടാൻകുഴി സർവ്വീസ് റോഡിലാണ് അപകടം സംഭവിച്ചത്. രക്തം വാർന്ന് അബോധാവസ്ഥയിലായ യുവാവിനെ നാട്ടുകാർ ആംബുലൻസ് വിളിച്ചു വരുത്തി വിഴിഞ്ഞം ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
