പാലക്കാട്‌ കോഴിക്കോട് ദേശീയപ്പതയിൽ അപകടം

മണ്ണാർക്കാട്: ദേശീയപാത തച്ചമ്പാറ കെഎസ്‌ആര്‍ടിസി ബസും ഓട്ടോറിക്ഷയും ഇടിച്ചുണ്ടായ വാഹനാപകടത്തില്‍ രണ്ട് പേര്‍ക്ക് ദാരുണാന്ത്യം. ഓട്ടോ ഡ്രൈവറും യാത്രക്കാരനുമാണ് മരിച്ചത്. തൃക്കല്ലൂര്‍ സ്വദേശികളായ അയ്യപ്പന്‍കുട്ടി, അസീസ് എന്നിവരാണ് മരിച്ചത്. തച്ചമ്പാറയ്ക്കടുത്ത് ഇടായ്ക്കലില്‍ ഇന്നലെ രാത്രി 8.15ന് അണ് സംഭവം നടന്നത്.കോഴിക്കോട് ഭാഗത്തേക്ക് പോകുകയായിരുന്ന കെഎസ്‌ആര്‍ടിസി ബസ്, ദേശീയപാതയില്‍ നിന്ന് പോക്കറ്റ് റോഡിലേക്ക് പ്രവേശിക്കുകയായിരുന്ന ഓട്ടോറിക്ഷയില്‍ ഇടിച്ച്‌ കയറുകയായിരുന്നു.അപകടത്തില്‍ ഓട്ടോറിക്ഷ പൂര്‍ണമായും തകര്‍ന്നു. അസീസിനേയും അയ്യപ്പന്‍കുട്ടിയേയും ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഇരുവരുടേയും മൃതദേഹങ്ങള്‍ മണ്ണാര്‍ക്കാട് താലൂക്ക് ആശുപത്രിയിലാണ് സൂക്ഷിച്ചിരിക്കുന്നത്.