കോട്ടയം വാകത്താനത്ത് കഴിഞ്ഞ ദിവസം കാറിനു തീപിടിച്ചതിനെ തുടർന്ന് ഗുരുതരമായി പൊള്ളലേറ്റ് ചികിത്സയിലായിരുന്നയാൾ മരിച്ചു. വാകത്താനം പാണ്ടൻചിറ സ്വദേശി ഓട്ടക്കുന്ന് വീട്ടിൽ സാബുസാബു (57) ആണ് ഇന്ന് രാവിലെ മരിച്ചത്. അപകടത്തിൽ 80 ശതമാനം പൊള്ളലേറ്റ സാബു കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലായിരുന്നു.
സാബുവിന്റെ ഐ 10 കാറിനാണ് കഴിഞ്ഞ ദിവസം തീപിടിച്ചത്. യാത്രകഴിഞ്ഞു മടങ്ങുന്നതിനിടെ വീടിനു 20 മീറ്റർ അകലെ വെച്ച് വലിയ ശബ്ദത്തോടെ കാറിൽ തീ പിടിക്കുകയായിരുന്നു. അഗ്നിബാധയിൽ കാർ പൂർണമായി കത്തിനശിച്ചിരുന്നു. അപകട സമയത്ത് കാറിൽ സാബു മാത്രമാണ് ഉണ്ടായിരുന്നത്.
