ഗാംഗ്‌ടോക്ക്: സിക്കിമിലുണ്ടായ വാഹനാപകടത്തിൽ നാല് സൈനികർ മരിച്ചു. പശ്ചിമ ബംഗാളിലെ പെഡോങ്ങിൽ നിന്ന് സിക്കിമിലെ സുലുക്കിലേക്കാണ് ഇവർ പോയത്. സിക്കിമിലെ പാക്യോങ് ജില്ലയിലെ സിൽക്ക് റൂട്ടിലാണ് അപകടമുണ്ടായത്.
ഡ്രൈവർ പ്രദീപ് പട്ടേൽ (മധ്യപ്രദേശ്), ക്രാഫ്റ്റസ്മാൻ ഡബ്ല്യൂ. പീറ്റർ (മണിപ്പുർ), നായിക് ഗുർസേവ് സിങ് (ഹരിയാണ), സുബേദാർ കെ. തങ്കപാണ്ടി (തമിഴ്നാട്) എന്നിവരാണ് അപകടത്തിൽ മരിച്ചതെന്ന് തിരിച്ചറിഞ്ഞിട്ടുണ്ട്.
വാഹനം റോഡിൽ നിന്ന് തെന്നി 700-800 അടി താഴ്ചയിലേക്ക് വീഴുകയായിരുന്നു. റെനോക്-റോംഗ്ലി സംസ്ഥാന പാതയിൽ ദലോപ്ചന്ദ് ദാരയ്ക്ക് സമീപമാണ് അപകടമുണ്ടായതെന്ന് ഉദ്യോഗസ്ഥർ പറഞ്ഞു.
