ഇന്ത്യയും ഇംഗ്ലണ്ടും തമ്മിലുള്ള ഏക വനിതാ ക്രിക്കറ്റ്‌ ടെസ്റ്റ് ഇന്ന്‌ തുടങ്ങും. വ്യാഴാഴ്ച്ച രാവിലെ ഒമ്പതരയ്ക്ക് മുംബൈ ഡോ. ഡിവൈ പാട്ടീൽ സ്‌പോർടിങ് അക്കാദമിയിൽ വെച്ചാണ് മത്സരം.
ട്വന്റി 20 പരമ്പരയിലെ തോൽവിക്ക് തിരിച്ചടി നൽകുക എന്ന ലക്ഷ്യത്തോടെയാണ് ഇന്ത്യൻ പെൺപുലികൾ വെള്ളക്കുപ്പായം അണിയുന്നത്. ഇന്ത്യൻ വനിതകളും ഇംഗ്ലണ്ടുമായി 14 തവണ ടെസ്റ്റ് മത്സരങ്ങൾ കളിച്ചിട്ടുണ്ട്. എന്നാൽ രണ്ട് മത്സരങ്ങളിൽ മാത്രമാണ് ഇന്ത്യക്ക് വിജയിക്കാൻ കഴിഞ്ഞത്.
