കൊച്ചി: എളമക്കരയിൽ യുവാവു റോഡിൽ മരിച്ചുകിടന്നത് കൊലപാതകമാണെന്ന് പൊലീസ്. മരോട്ടിച്ചുവട് പാലത്തിനുതാഴെ താമസിക്കുന്ന പ്രവീൺ കൊല്ലപ്പെട്ട കേസിൽ കൊല്ലം സ്വദേശി ഷമീറിനെ അറസ്റ്റ് ചെയ്തു. തൃപ്പൂണിത്തുറ സ്വദേശിയായ മറ്റൊരാളെ കസ്റ്റഡിയിലെടുത്തു. മദ്യപാനത്തെത്തുടർന്നുണ്ടായ തർക്കമാണു കൊലയ്ക്ക് പിന്നിൽ. ഞായറാഴ്ച പുലർച്ചെയാണ് പ്രവീണിനെ കൊല്ലപ്പെട്ടനിലയിൽ കണ്ടെത്തിയത്. മൃതദേഹത്തിൽ മുറിവുകൾ കണ്ടെത്തിയതിനാൽ കൊലപാതകമാണെന്നു സംശയമുണ്ടായിരുന്നു. പുലർച്ചെ നടുറോഡിൽ യുവാവ് മരിച്ചുകിടക്കുന്നതുകണ്ട പ്രദേശവാസികളാണ് പൊലീസിനെ വിവരം അറിയിച്ചത്.
എളമക്കരയിലെ യുവാവിന്റെ കൊലപാതകം: കൊല്ലം സ്വദേശി അറസ്റ്റിൽ
