കോഴിക്കോട്: വടകരയിൽ എംപി ഷാഫി പറമ്പിലിനെ തടഞ്ഞ് ഡിവൈഎഫ്‌ഐ പ്രതിഷേധം. വടകര ടൗൺ ഹാളിൽ നിന്നും പരിപാടി കഴിഞ്ഞ് ഷാഫി മടങ്ങവെയാണ് ഡിവൈഎഫ്‌ഐ പ്രവർത്തകർ പ്രതിഷേധവുമായി രംഗത്തെത്തിയത്. തുടർന്ന് പൊലീസും ഡിവെെഎഫ്ഐ പ്രവർത്തകരും റോഡിൽ ഏറ്റുമുട്ടുകയായിരുന്നു.തുടർന്ന് വാഹനത്തിൽ നിന്നും പുറത്തിറങ്ങിയ ഷാഫി രൂക്ഷ ഭാഷയിൽ പ്രതിഷേധിച്ചു. പേടിച്ച് പോകാൻ ആളെ വേറെ നോക്കണമെന്നും നായ്, പട്ടിയെന്ന് വിളിച്ചാൽ കേട്ട് നിൽക്കാൻ വേറെ ആളെ നോക്കണമെന്നും ഷാഫി പറമ്പിൽ രൂക്ഷ ഭാഷയിൽ പറഞ്ഞു. ഷാഫി പറമ്പിലും ഡിവൈഎഫ്‌ഐ പ്രവർത്തകരും തമ്മിൽ വാക്കേറ്റവുമുണ്ടായി. പ്രതിഷേധക്കാരെ പൊലീസ് പിന്നീട് അറസ്റ്റ് ചെയ്ത് നീക്കി.
വടകരയിൽ എംപി ഷാഫി പറമ്പിലിനെ തടഞ്ഞ് ഡിവൈഎഫ്‌ഐ പ്രതിഷേധം
