മണ്ണാർക്കാട്: കോഴിക്കോട് -പാലക്കാട് ദേശീയപാത കല്ലടിക്കോട് പനയംപാടത്ത് റോഡിൽ വീണ ഓയിലിൽ തെന്നി രണ്ട് ബൈക്കുകൾ മറിഞ്ഞു. ബുധനാഴ്ച ഉച്ചയ്ക്ക് ഒന്നരയോടെയാണ് സംഭവം നടന്നത്. അപകടത്തിൽ ഒരാൾക്ക് പരിക്കേറ്റു. കരിമ്പ സ്വദേശി മുസമലിനാണ് (27) പരിക്കേറ്റത്. ഏതോ വാഹനത്തിൽനിന്ന് എൻജിൻ ഓയിൽ ഒഴുകിപ്പോയതായിരിക്കാമെന്നാണ് നിഗമനം. ആ സമയം ചെറിയ രീതിയിൽ ഗതാഗത തടസമുണ്ടായി. കോങ്ങാടുനിന്ന് അഗ്നിശമനസേനയെത്തി നാട്ടുകാരുടെ സഹായത്തോടെ റോഡ് വെള്ളവും സോപ്പും ഉപയോഗിച്ച് കഴുകി വൃത്തിയാക്കി ഗതാഗത യോഗ്യമാക്കിട്ടുണ്ട്.
റോഡിൽ വീണ ഓയിലിൽ തെന്നി രണ്ട് ബൈക്കുകൾ മറിഞ്ഞു
