കാഞ്ഞിരപ്പള്ളി കേന്ദ്രീകരിച്ച് 500 കോടിയുടെ സാമ്പത്തിക തട്ടിപ്പ് നടന്നതായി പരാതി

കാഞ്ഞിരപ്പള്ളി: കാഞ്ഞിരപ്പള്ളി കേന്ദ്രീകരിച്ച് കോടിക്കണക്കിന് രൂപയുടെ സാമ്പത്തിക തട്ടിപ്പ് നടന്നതായി ആരോപണം. പ്രശസ്ത പിന്നണി ഗായികയും റിയാലിറ്റി ഷോ ഫെയിമുവായ യുവതിയുടെ പിതാവും, എസ്.പി. എന്ന ചുരുക്കപ്പേരിൽ അറിയപ്പെടുന്ന കളമശ്ശേരി സ്വദേശി ശിവപ്രസാദും, പാലക്കാട് കേന്ദ്രീകരിച്ച് സമാനമായ തട്ടിപ്പുകൾ നടത്തിയതായി ആരോപിക്കപ്പെടുന്ന ‘സ്വാമി’ എന്ന പേരിൽ അറിയപ്പെടുന്ന വ്യക്തിയും ചേർന്ന് ഇറിഡിയം ബിസിനസിൽ നിക്ഷേപം നടത്താമെന്ന് വാഗ്ദാനം ചെയ്ത് പണം സ്വീകരിച്ചതായാണ് പരാതി.കാഞ്ഞിരപ്പള്ളി, മണിമല, മുണ്ടക്കയം, എരുമേലി തുടങ്ങിയ പ്രദേശങ്ങളിൽ നിന്നായി ഏകദേശം 500 കോടി രൂപയുടെ സാമ്പത്തിക തട്ടിപ്പ് നടന്നതായി ആരോപണം ഉയർന്നിട്ടുണ്ട്.പണം നഷ്ടപ്പെട്ടതായി പറയപ്പെടുന്ന നൂറിലധികം പേർ വിഷയത്തിൽ നേരിട്ട് ബന്ധപ്പെട്ട മന്ത്രിയെ കണ്ട് പരാതി നൽകാൻ തീരുമാനിച്ചതായും സൂചനയുണ്ട് സമാനമായ തട്ടിപ്പുകൾ ഇപ്പോഴും നടന്നുവരുന്നതായാണ് പണം നഷ്ടപ്പെട്ടതായി പറയുന്നവരുടെ ആരോപണം.കാഞ്ഞിരപ്പള്ളി കേന്ദ്രീകരിച്ച് വിവിധ വ്യക്തികൾ തട്ടിപ്പിന് പിന്നിൽ പ്രവർത്തിക്കുന്നതായി പരാതിക്കാർ ആരോപിക്കുന്നു. കൊല്ലം സ്വദേശി ബിജു ഉൾപ്പെടെ നിരവധി പേർ ഇപ്പോഴും ഈ തട്ടിപ്പുമായി ബന്ധപ്പെട്ട് പ്രവർത്തിക്കുന്നുണ്ടെന്നാണ് പണം നഷ്ടപ്പെട്ടവർ പറയുന്നത്.അതേസമയം, ആരോപണവിധേയരായ വ്യക്തികളുടെ ഭാഗത്തുനിന്നുള്ള വിശദീകരണം ലഭ്യമായിട്ടില്ല. പരാതികളിൽ അന്വേഷണം നടന്നാൽ മാത്രമേ ആരോപണങ്ങളുടെ യാഥാർഥ്യവും സാമ്പത്തിക ഇടപാടുകളുടെ വ്യാപ്തിയും വ്യക്തമാകൂ. കൂടുതൽ വിവരങ്ങൾ വരും ദിവസങ്ങളിൽ പുറത്തുവരുമെന്നാണ് പരാതിക്കാരുടെ പ്രതീക്ഷ.സംഭവവുമായി ബന്ധപ്പെട്ട് കൂടുതൽ പരാതികളും വിവരങ്ങളും പുറത്തുവരുന്നതോടെ വിഷയത്തിൽ കൂടുതൽ വ്യക്തത ലഭിക്കുമെന്നാണ് പ്രതീക്ഷിക്കുന്നത്. വിശദമായ വിവരങ്ങൾ വരും ദിവസങ്ങളിൽ പുറത്തുവരുമെന്നാണ് സൂചന.