സാമൂഹിക മാധ്യമത്തിൽ ലൈവ് ഇട്ട ശേഷം യുവാവ് ജീവനൊടുക്കി

നിലമ്പൂർ: സാമൂഹിക മാധ്യമത്തിൽ
ലൈവ് ഇട്ട ശേഷം യുവാവിനെ വീടിന്റെ ടെറസിൽ മരിച്ച നിലയിൽ കണ്ടെത്തി. അയ്യാർപൊയിൽ തൈക്കാടൻ അബ്‌ദുവിന്റെയും ഫാത്തിമയുടെയും മകൻ മുഹമ്മദ് ജാസിദി(23)നെയാണ് മരിച്ചനിലയിൽ കണ്ടെത്തിയത്. കൊച്ചിയിലെ ഒരു മൊബൈൽ ഷോപ്പിലാണ് ജാസിദിന് ജോലി.പ്രണയവുമായി ബന്ധപ്പെട്ടുണ്ടായ പ്രശ്നങ്ങളെത്തുടർന്ന് യുവാവ് ജീവനൊടുക്കുകയായിരുന്നു. 28ന് പുലർച്ചെ 1.13നാണ് സമൂഹിക മാധ്യമത്തിൽ ജാസിദ് ലൈവ് പോസ്റ്റ് ചെയ്യുന്നത്.രണ്ടു വർഷമായി ഒരു പെൺകുട്ടിയുമായി പ്രണയബന്ധത്തിലായിരുന്നെന്നും പിന്നീട് ബന്ധം തകർന്നെന്നും ജാസിദ് പറയുന്നു. ഈ പ്രണയവുമായി ബന്ധപ്പെട്ട പരാതിയിൽ നിലമ്പൂർ പോലീസ് പലതവണ സ്റ്റേഷനിലേക്കു പുവരുത്തി ബുദ്ധിമുട്ടിച്ചെനന്നും തന്റെ ഭാഗം കേൾക്കാൻ തയാറായില്ലെന്നും പോസ്റ്റിൽ പറയുന്നുണ്ട്.ഇത് ഗൾഫിലുള്ള സുഹൃത്തുക്കൾ കണ്ട് നാട്ടിലെ കൂട്ടുകാരെ വിവരം അറിയിച്ചു. അവർ വീട്ടുകാരെ വിളിച്ചുണർത്തിച്ചെന്നു നോക്കിയപ്പോൾ ഒന്നാം നിലയിലെ കിടപ്പുമുറിക്ക് സമീപമുള്ള ടെറസിൽ ജാസിദിനെ മരിച്ചനിലയിൽ കണ്ടെത്തുകയായിരുന്നു.