ചാലക്കുടിപ്പാലം 25ന് അടയ്ക്കും,തിരഞ്ഞെടുപ്പ് കാലം കാത്തിരിക്കുന്നത് വൻ ഗതാഗതക്കുരുക്ക്

ചാലക്കുടി: ദേശീയപാതയിലെ ചാലക്കുടി പുഴ പാലങ്ങളിലെ തൃശൂർ ഭാഗത്തേക്കുള്ള പഴയ പാലം ഗുരുതരമായ ബലക്ഷയം കണ്ടെത്തിയതിനെത്തുടർന്ന് 25 മുതൽ ഒരുമാസം അറ്റകുറ്റപ്പ ണികൾക്കായി അടച്ചിടും. ഈ പാലത്തിലൂടെ പോകേണ്ട വാഹനങ്ങൾ പണി തീരുംവരെ തൃശൂർ-എറണാ കുളം ദിശയിലെ പാലത്തിലൂടെ കടത്തിവിടും.പാലത്തിന്റെ തെക്ക്, വടക്ക് ഭാഗങ്ങളിലായി 100 മീറ്റർ മാറി വാഹനങ്ങൾക്ക് ട്രാക്ക് മാറ്റാൻ മീഡിയൻ പൊളിച്ചു മാറ്റിയുള കോൺക്രീറ്റിങ്ങും ടാറിങ്ങും പൂർത്തിയായി. 1972 ൽ സ്ഥാപിതമായതാണീ പാലം. കൊരട്ടിയിൽ മേൽപാല നിർമാണവും ചിറങ്ങര, മുരിങ്ങൂർ, പേരാമ്പ്ര എന്നിവിടങ്ങളിൽ അടിപ്പാത നിർമാണവും നടക്കുന്നതിനാൽ ദേശീയപാതയിൽ രൂക്ഷമായ ഗതാഗതക്കുരുക്ക് തുടങ്ങിയിട്ട് നാളുകളേറെയായി.നിയമസഭാ തെരഞ്ഞെടുപ്പ് പ്രചരണം ഏറ്റവും തിരക്കിലേക്ക് കടക്കുന്ന സമയമാണ് ഈ ഒരു മാസം.ഇതിനിടയിൽ പാലം അടക്കുകയും ചെയ്യുമ്പോൾ ഗതാഗതപ്രശ്‌നങ്ങൾ കൂടുതൽ സങ്കീർണ്ണമാകുമെന്നുറപ്പാണ്.