സംസ്ഥാനത്ത് വീണ്ടും അതിശക്തമായ മഴയ്ക്ക് സാധ്യതയെന്നു കാലാസ്ഥാനിരീക്ഷകർ മുന്നറിയിപ്പ് നൽകി. ഇടുക്കി, കണ്ണൂർ, കാസർഗോഡ് ജില്ലകളിൽ ഇന്ന് ഓറഞ്ച് പ്രഖ്യാപിച്ചു. 24 മണിക്കൂറിൽ 115.6 മില്ലി ലിറ്റർ മുതൽ 204.4 മില്ലി ലിറ്റർ മഴ വരെ ലഭിച്ചേക്കാം. ഇന്നുമുതൽ അഞ്ചു ദിവസത്തേക്ക് യേല്ലോ അലർട്ട് പത്തനംതിട്ട ,പാലക്കാട് ,മലപ്പുറം ,കോഴിക്കോട്, വയനാട് ,കോട്ടയം ,ഇടുക്കി എറണാകുളം എന്നീ ജില്ലകളിൽ പ്രഖ്യാപിച്ചു. ഇടിമിന്നലോട് കൂടിയ ശക്തമായ മഴയ്ക്കാണ് സാധ്യത എന്നും, ഉരുൾപൊട്ടൽ മണ്ണിടിച്ചിൽ മലവെള്ളപ്പാച്ചിൽ സാധ്യതയുള്ള പ്രദേശങ്ങളിൽ താമസിക്കുന്നവർ ,നദി കരകൾ അണക്കെട്ടുകളുടെ കീഴിലുള്ള പ്രദേശങ്ങളിൽ താമസിക്കുന്നവർ അധികൃതരുടെ നിർദ്ദേശാനുസരണം സുരക്ഷിതമായി സ്ഥലങ്ങളിലേക്ക് മാറി താമസിക്കണം എന്ന് പ്രഖ്യാപിക്കുകയുണ്ടായി. ശക്തമായ കാറ്റിന് സാധ്യതയുള്ളതിനാൽ അടച്ചുറപ്പില്ലാത്ത വീടുകളിൽ താമസിക്കുന്നവരും ,മേൽക്കൂര ഇല്ലാത്ത വീടുകളിൽ താമസിക്കുന്നവരും ജാഗ്രത പാലിക്കണമെന്നും ദുരന്തനിവാരണ അതോറിറ്റി അറിയിച്ചു.
സംസ്ഥാനത്ത് വീണ്ടും അതിശക്തമായ മഴയ്ക്ക് സാധ്യത; 3 ജില്ലകളിൽ ഓറഞ്ച് അലർട്ട്
